آبرو

معنی

١ - چمک دمک، تابانی، درخشانی  پروانے کو تیش دی جگنو کو روشنی دی بخشا صدف کو گوہر، گوہر کو آبرو دی      ( ١٩١٠ء، سرور، خمکدہ، ٢٠ ) ٢ - عصمت، عفت، ناموس، پاکدامنی۔ "کوئی غیر مرد مجھے چھیڑے یا میری آبرو کا گاہک ہو جائے تو میں زہر کھا لوں۔"      ( ١٩٠٣ء، سرشار، بچھڑی ہوئی دلھن، ٥٨ ) ٣ - عزت، اعزاز، قدر و منزلت، ناموری، شہرت "تو اس سے کہیو یہ بڑی عزت آبرو والا بہادر شجاع مصر کا مالک اور بادشاہ ہے۔"      ( ١٩٤٥ء، الف لیلہ و لیلہ، ٦، ٦٨ ) ٤ - لاج، شرم۔  الٰہی اشک مصیبت کی آبرو رکھنا یہ بیکسی میں برے وقت پر ضرور آیا      ( ١٩٠٥ء، داغ، انتخابِ داغ، ١٣ ) ٥ - ساکھ، اعتبار، بھرم۔ "روپیہ کہاں مگر لالہ جی کی آبرو بنی ہے۔"      ( ١٩٢٤ء، نوراللغات، ٤٨:١ ) ٦ - حیثیت، درجہ، قدر و قیمت۔ "یہ تھانہ صدر ہے اور اس کی آبرو کوتوالی جے پور کے برابر ہے۔"      ( ١٩١١ء، ظہیر دہلوی، داستان عذر، ٢١٥ ) ٧ - شان و شوکت، ٹھاٹ باٹ۔  چاہیے عقبٰی کی عزت کا خیال منعمو یہ آبرو اچھی نہیں      ( ١٨٥٤ء، دیوانِ صبا، غنچہ آرزو، ١٠٧ )