آخر

معنی

١ - انجام، انتہا، حد، سرا۔  اے زندگی آخر نہیں تیری تگ و دو کا جس طرح کہ رہتی ہے سرگرم سفر موج    ( ١٩٣٨ء، سلیم پانی پتی، افکار سلیم، ٦٣٨ ) ٢ - حشر، مآل (بیشتر برا)۔ "ہو چکے ہیں تم سے آگے دستور سو پھرو زمین میں تو دیکھو کیسا ہوا آخر جھٹلانے والوں کا۔"    ( ١٧٩٠ء، ترجمہ قرآن، شاہ عبدالقادر، ٦١ ) ١ - آخری، بعد کا، موخر (زمانے کے اعتبار سے)۔  امی بھی ہر اک علم کے ماہر بھی یہی ہیں گنجینہ اول بھی ہیں آخر بھی یہی ہیں    ( ١٩١٢ء، شمیم، ریاض شمیم، ٦:٢ ) ٢ - پچھلا، پیچھے کا (مکان کے لحاظ سے)۔ "اب کے اس کا نمبر آخر ہو گیا۔"    ( ١٨٩٥ء، فرہنگ آصفیہ، ١٢٦:١ ) ٣ - انجام کو پہنچا ہوا، تمام، ختم، مکمل۔ "ہر سماں فنا ہونے والا ہے، خوشی ختم ہو گی اور رنج آخر۔"    ( ١٩٣٦ء، گرداب حیات، ١٠٨ ) ٤ - قریب ختم۔  اک روز ہوا میں در پہ حاضر تھی شام قریب دن تھا آخر    ( ١٨٠٤ء، اسیر (امیراللغات، ٦٩:١) ) ٥ - مناسب، واجب، لازم (فرہنگ آصفیہ، 125:1) ١ - انجام کار، پچھلے درجے، نتیجے میں، آخر میں "کھاؤ پیو مزے اڑاؤ آخر کل مرنا ہے۔"      ( ١٩٢٥ء، اودھ پنچ، لکھنؤ، ١٠، ٢٠، ١٠ ) ٢ - بہرحال۔  زاہد مے طہور بھی آخر شراب ہے مجھ کو تو منع کرتا ہے تو کب مجاز ہے      ( ١٩١٠ء، جذباتِ نادر، ٢، ٢٥٢ ) ٣ - الحاصل، الغرض، قصہ مختصر۔ "آخر یمن کے شاہزادے کو خانساماں اور بہزاد خان کو میر بخش . بختیار کی فوج کا کیا۔"      ( ١٨٠٢ء، باغ و بہار، ٢٤٨ ) ٤ - چارو نا چار، مجبوراً "نہ معاف کرونگی تو کرونگی کیا آخر۔"      ( ١٨٨٠ء، فسانہ آزاد، ١٨:٤ ) ٥ - ضرور، مقرر، لازماً  کچھ تو جاڑے میں چاہیے آخر تانہ دے یاد زمہریر آزاد    ( ١٨٦٩ء، غالب، دیوان، ١٢٦ ) ٦ - زنہار، ہرگز۔  تم اپنے ظلم سے آخر نہ باز آؤ گے چلا نظیر سے لیجئے سلام رخصت کا    ( نظیر اکبر آبادی (فرہنگ آصفیہ، ١٣٥:١) ) ٧ - اصل میں، درحقیقت، نفس الامر میں، واقعی (تجسس یا استفہام کے موقع پر) "میں یہ سمجھنے سے بالکل قاصر ہوں کہ آخر معاملہ کیا ہے۔"      ( ١٩٤٤ء، نواب صاحب کی ڈائری، ١٣١ )