آدمیت

معنی

١ - مروت، حسن خلق، ملنساری، تہذیب، سلیقہ۔  ہے ناز اپنی تہذیب پر جن کو اتنا نہیں آدمیت گئی ان کو چھو بھی      ( ١٩٣١ء، بہارستان، ظفر علی خان، ٨٥ ) ٢ - آدمی ہونے کی حالت، انسانی فطرت۔  اگر غایت یہی تھی ہستی انساں کی فطرت سے تو باز آیا میں ایسی زیست ایسی آدمیت سے      ( ١٩٢٦ء، روح رواں، ١٣٠ ) ٣ - بلوغ، شباب۔  آدمیت میں قدم رکھتا ہے بچپن ان کا اپنے سایے سے جھجکتے ہیں پریرو ہو کر    ( ١٨٩٥ء، دیوان راسخ دہلوی، ١٠٧ ) ٤ - عقل و شعور  آدمیت اور شے ہے علم ہے کچھ اور شے کتنا طوطے کو پڑھایا پر وہ حیوان ہی رہا    ( ١٨٥٤ء، ذوق، دیوان، ٤٨ )