آرتی
معنی
١ - [ ہندو ] دیوتاؤں کی پوجا کا ایک طریقہ (جس کی صورت یہ ہے کہ پجاری مندروں میں پیتل کے پنج شاخ کی ساری بتیاں روشن کر کے دیوتا کی مورت کے سر کے گرد پھراتا ہے باجے اور گھڑیال کی گونج میں پجاری اور حاضرین بھجن گاتے جاتے ہیں)۔ "ہمہ وقت بھجن، راماین، اشنان، آرتی اور پوجا پاٹھ کا اہتمام رہتا۔" ( ١٩٥٦ء، آشفتہ بیانی میری، ٣٠ ) ٢ - [ ہندو ] شادی میں دولھا کے گرد اور محبت یا عقیدت میں محبوب یا کسی مقدس ہستی یا محترم چیز کے چاروں طرف چراغوں کی تھالی یا نچھاور وغیرہ پھرانے کا دستور۔ بھرے ہیں موتیوں سے تھال آرتی کے لیے کھڑی ہیں در پہ حسینان گلعزار اودھ ( ١٩٢٩ء، مطلع انوار، ١١١ ) ٤ - آرتی کا ساز و سامان، بھینٹ، نذر۔ کنک تھال میں نور تن آرتی اور بھی ہو رہے شاہ پر وارتی ( ١٥٦٤ء، حسن شوقی، د، ١٢٩ )
اشتقاق
یہ اصلاً ہندی زبان کا لفظ ہے اور اپنی اصلی حالت اور اصلی معنی میں ہی اردو میں مستعمل ہے۔ سب سے پہلے ١٥٦٤ء میں حسن شوقی کے دیوان میں مستعمل ملتا ہے۔
مثالیں
١ - [ ہندو ] دیوتاؤں کی پوجا کا ایک طریقہ (جس کی صورت یہ ہے کہ پجاری مندروں میں پیتل کے پنج شاخ کی ساری بتیاں روشن کر کے دیوتا کی مورت کے سر کے گرد پھراتا ہے باجے اور گھڑیال کی گونج میں پجاری اور حاضرین بھجن گاتے جاتے ہیں)۔ "ہمہ وقت بھجن، راماین، اشنان، آرتی اور پوجا پاٹھ کا اہتمام رہتا۔" ( ١٩٥٦ء، آشفتہ بیانی میری، ٣٠ ) ٣ - وہ بھجن اور گھڑیال جو آرتی کے وقت گایا اور بجایا جائے۔ "موجودہ منازعات کا حقیقی سبب شدھی سنگھٹن آرتی اذان گاو کشی وغیرہ نہیں ہیں۔"