اتفاق

معنی

١ - معیت، ہمراہی، (دو یا زیادہ چیزوں کا) اجتماع۔ "راجا صاحب بہادر بہ اتفاق ایجنٹ صاحب بہادر جے پور بسواری فیل نمودار ہوئے۔" ٢ - دو یا زیادہ افراد میں رائے یا خیال کی موافقت۔  خدا کرے کہ اسے اتفاق ہو مجھ سے فقیہ شہر کہ ہے محرم حدیث و کتاب      ( ١٩٣٦ء، ضرب کلیم، ١٢٥ ) ٣ - اتحاد، ایکا۔ "ہم دونوں کو اتفاق و یکجہتی سے رہنا چاہیے۔"      ( ١٩٢٠ء، عزیزہ مصر، ٢٠ ) ٤ - اقتران باہمی، قربت، موانست۔  اس سے بڑھ کر اور کیا ہے شانِ خالق کی دلیل اتفاق ان چار عنصر کا جو انساں میں رکھا      ( ١٩١٨ء، گلزار بادشاہ، ١٠٨ ) ٥ - (کسی صفت یا ہیئت میں) مماثلت، یکسانی۔  صورت اور سیرت کا باہم اتفاق ایسا ہوتا ہے بہت کم اتفاق      ( ١٧٨٠ء، سودا کلیات، ١٠٤ ) ٦ - بغیر کسی سبب و علت کے وقوع یا صدور، لزوم کی ضد۔ "عالم کا وجود محض اتفاق کا نتیجہ ہے"۔      ( ١٩٤٠ء، اسفار اربعہ، ٨٦٣ ) ٧ - ناگہانی واقعہ، غیر متوقع بات۔  اب سنو اتفاق اک دن کا جبکہ طے کر رہے تھے وہ رستا      ( ١٩١٠ء، کلام مہر، ٢٦٥ )