احتمال

معنی

١ - امکان، گنجائش، ممکن یا متوقع ہونے کی صورت۔ "جواز میں دونوں احتمال برابر ہیں۔"      ( ١٩٠٦ء، الکلام، ٥٠:٢ ) ٢ - شک، شبہ، گمان۔  بنائیں کیاریاں اس میں لگائے اس میں درخت تب اس زمیں پر جنت کا احتمال ہوا    ( ١٩٢٧ء، شاد، سروش ہستی، ٨ ) ٣ - اندیشہ۔ "اس کے افعال سے ہلاکت واقع ہونے کا احتمال ہے۔"    ( ١٩٤٤ء نواب صاحب کی ڈائری، ١٣٧ ) ٤ - فرضی، خیالی، وہمی یا قیاسی بات۔  ایسی دنیا میں کیوں رہوں مضطر جس کو سب احتمال کہتے ہیں      ( ١٩١١ء، نذر خدا، ٩٣ ) ٥ - [ منطق ]  امکانی صورت، ممکنہ شق یا پہلو۔ "انسان کی فطرت کے متعلق چار احتمال پیدا ہو سکتے ہیں۔"      ( ١٩٠٤ء، مقالات شبلی، ٦٣:١ ) ٦ - باربرداری، برداشت، بوجھ کو اٹھانا یا برداشت کرنا۔  تجھ امانت کے بار کا مجکوں قوت احتمال دے یارب      ( ١٨٠٩ء، شاہ کمال، دیوان، ٥٥ )