اذان
معنی
١ - نماز کا وقت آ جانے پر نمازیوں کو آگاہ کرنے، یا مسلمانوں کو نماز کے لیے مسجد میں بلانے کے مقررہ کلمات جو مؤذن بآواز بلند مقرر طریق سے ادا کرتا ہے، بانگ نماز (گاہے یہ کلمات نومولود کے داہنے کان میں کبھی آفات ارضی یا سماوی کے دفعیے کے لیے بھی مقرر طریقے سے کہے جاتے ہیں)۔ اگرچہ بت ہیں جماعت کی آستینوں میں مجھے ہے حکم اذاں لا الہ الا اللہ ( ١٩٣٨ء، اقبال، ضرب کلیم، ٨ ) ٢ - مرغ کی 'بانگ' مرغ کی صدا۔ "مرغیوں نے مرغ کی اذانوں سے دق ہو کر مسجد کے مؤذن سے فریاد کی۔" ( ١٩١٥ء، سی پارۂ دل، ١٩٦ )
اشتقاق
عربی زبان سے اسم مشتق ہے۔ ثلاثی مجرد کے باب سے مصدر اور اردو میں بطور حاصل مصدر مستعمل ہے۔ سب سے پہلے ١٧٦٩ء کو "آخرگشت (ق)" میں مستعمل ملتا ہے۔
مثالیں
٢ - مرغ کی 'بانگ' مرغ کی صدا۔ "مرغیوں نے مرغ کی اذانوں سے دق ہو کر مسجد کے مؤذن سے فریاد کی۔" ( ١٩١٥ء، سی پارۂ دل، ١٩٦ )