ارشاد

معنی

١ - حکم، فرمان۔ "مسلمانوں نے تعلیم کے متعلق حضور اکرمۖ کے ارشاد کو ہمیشہ سر آنکھوں پر رکھا۔"      ( ١٩١٩ء، جوہر قدامت، ١٤٨ ) ٢ - ہدایت، رہنمائی۔  دعوت اور ارشاد سے توڑیں طلسم ارتداد فتنہ شدھی کا جو اٹھا ہے اسے چلتا کریں      ( ١٩٣١ء، بہارستان، ظفر علی خان، ٤٧٣ ) ٣ - نصیحت، پند و وعظ، سمجھانا، بجھانا۔  آبرو کس کو ہے دوبھر جو کرے ان سے کلام گالیاں بھی وہ دیا کرتے ہیں ارشاد کے بعد      ( ١٨٥٤ء، دیوان اسیر، گلستان سخن، ١٢٦ ) ٤ - کہی ہوئی بات، قول۔ "میں نے عرض کی کہ جناب والا کا ارشاد بالکل صحیح ہے۔"      ( ١٩٤٤ء، ایک نواب صاحب کی ڈائری، ٢٢ ) ٥ - بیان کرنے یا فرمانے کا عمل، کہنا (کرنا، ہونا کے ساتھ)۔  کچھ تو کیا ہے اس نے ارشاد اس طرح کا جو اس کے غم میں ہے دل ناشاد اس طرح کا      ( ١٨٠٩ء، کلیات جرات، ١٣٤ )