اول

معنی

١ - (ترتیب کے لحاظ سے) پہلا۔ "یہ اول جنگ تھی جس میں انگلینڈ اور فرانس کو فتح حاصل ہوئی۔"      ( ١٩٠٤ء، محاربات عظیم، ١٦ ) ٢ - مقدم، قبل، موخر یا بعد کی ضد۔ "مختصر سیہ مگر اس فن میں وہی کتاب اول ہے۔"      ( ١٩٢٣ء، نوراللغات، ٤٤٥:١ ) ٣ - بہتر، بڑھ کر، اعلٰی، افضل (مادی یا ذہنی اعتبار سے)۔  وہ مضمون ڈھونڈ کر باندھوں کو جو اشکل سے اشکل ہو کہوں وہ مطلع ثانی کہ جو اول سے اول ہو      ( ١٨٩٩ء، امراؤ جان ادا، ١٩ ) ٤ - سابق، اگلا، پہلے زمانے کا۔  بہت کر چکے گھر میں آرام اٹھو اسی جوش اول سے لو کام اٹھو      ( ١٩٣٢ء، بے نظیر شاہ، کلام بے نظیر، ٢٨٧ ) ١ - آغاز، شروع۔ "اس کتاب کے اول آخر کے چار چار صفحے غائب ہیں۔"      ( ١٩٢٤ء، نوراللغات، ٤٤٥:١ ) ٢ - خدا تعالٰی کا صفاتی نام، ازلی۔  خدا یا اول و آخر بھی تو ہے خدایا باطن و ظاہر بھی تو ہے      ( ١٩١١ء، کلیات اسماعیل، ٧ ) ١ - پہلے، ابتدا یا آغاز میں۔ "جنگل میں بارش اول درختوں کے چھتر پر پڑ جاتی ہے۔"      ( ١٩١٠ء، تربیت الصحرا، ٦٧ )