اوپر

معنی

١ - بالا، نیچے کی ضد۔  اس کی وسعت کو نہیں خواب میں بھی پاسکتیں اس کے اوپر کسی عنوان نہیں جا سکتیں      ( ١٩٤٥ء، کمار سمبھر (ترجمہ)، ٢ ) ٢ - باہر، ظاہری حصے پر، بیرونی حصے میں، اندر یا مخفی کی ضد۔ "بس پہننے کے کپڑے اور اوپر رہنے دو اور سب صندوق میں رکھ دو۔"      ( ١٩٥٨ء، مہذب اللغات، ٤٠٤:١ ) ٣ - بعد "اس کی جان سے دور . اس کے اوپر کی جو لڑکی تھی ایک دِن باپ نے (اسے) گُھر کا۔"      ( ١٩٣١ء، رسوا، اختری بیگم، ١٤٦ ) ٤ - پہلے، اول، سابق میں۔ "ہر سیوا کرشن جی کا آٹھویں پشت اوپر دادا ہوتا ہے۔"      ( ١٩١٧ء، کرشن بینی، ٢٣ ) ٥ - زیادہ، مزید۔ "میری واپسی تک تین سو سے کچھ اوپر حکیم صاحب کی جیبوں میں پہنچ گئے۔"      ( ١٩٣٥ء، اودھ پنچ، لکھنؤ، ٢٠، ٣:٣٦ ) ١ - پر، کے اوپر، سے، کے بجائے، کی طرف، کی جانب۔ "والدہ کے اوپر کچھ فالج کا اثر ہو گیا ہے۔"      ( ١٩٣٩ء، شمع، اے ، آر۔ خاتون، ١٣ ) ٢ - حال پر، ذات پر۔ "آدمی کو چاہیے کہ پہلے اپنے اوپر قیاس کرے پھر دوسرے کا عیب دیکھے۔"    ( ١٩٥٨ء، مہذب اللغات،١، ٤:٤ ) ٣ - ذمے، جیسے: سارا بوجھ میرے اوپر ڈال دیا، یا سارا خرچ اوپر لے لیا (ماخوذ: جامع اللغات، 313:1)۔ ٤ - برتے پر، سہارے پر۔ "دو سال ہوئے ان کو باہر گئے کو اور ایک پیسہ نہ بھیجا میں تک ان کے اوپر بیٹھی رہتی مجبوراً نوکری کر لی۔"      ( ١٩٥٨ء، مہذب اللغات، ٢٠٤:١ )