اگر

معنی

١ - بشرطیکہ، جو یوں ہوا تو، جب ایسا ہو جائے تو پھر، (عموماً حرف جزا 'تو' سے پہلے)  اب تو جاتے ہیں بت کدے سے میر پھر ملیں گے اگر خدا لایا      ( ١٨٠١ء، کلیات، میر، ١٤٠ ) ٢ - جب، جبکہ، جس وقت کہ، جب کبھی "اگر اس کا ناشتہ ذرا دیر میں تیار ہوا تو بیوی کے سر آفت آ جائے گی" ٣ - بالفرض، بفرض محال (جب کسی بات کا قیاس یا امکان ظاہر کیا جائے)  میرے آنے کی تو بندش ہے مگر کیا کریں گے میں اگر یاد آیا      ( ١٩٤٦ء، روحِ سخن، جلیل، ١٣ ) ٤ - بالفرض، بفرض محال (جب کسی بات میں شک ہو یا برائی کا پہلو نکلتا ہو)، مترادف : مانا کہ، چلو یونہی سہی۔  حنائے پائے خزاں بہار اگر ہے بھی دوام کلفت خاطر ہے عیش دنیا کا      ( ١٨٦٩ء، دیوان، غالب، ١٤٧ ) ٥ - چاہے، خواہ۔ "بعض آدمی . اگر کیسی ہی رنڈی خوبصورت ہو اس کی طرف خواہش نہیں کرتے"      ( ١٨١٠ء، اخوان الصفاء، ١٨ ) ٧ - جس صورت میں کہ، در حالیکہ، (دلیل کے طور پر) "کیوں اے افراسیاب یہ دن یاد نہ تھا، مثل مشہور ہے اگر منتر سانپ کا نہ جانے بل میں کیوں انگلی ڈالے"۔      ( طلسمِ ہوشربا، ١٠٧٨:٦ ) ٩ - خبردار جو ایسا ہوا "اگر تمھاری یہ روش ہے تو جنی سے ہاتھ دھو رکھو"۔      ( ١٩٣٣ء، روحانی شادی، پریم چند، ١٩ )