بات

معنی

١ - لفظ، بول، کلمہ، فقرہ، جملہ، گفتگو، قول۔  چلا جب یہ کہہ کر پکارا اسے یہ بات اور پیغام بر رہ گئی      ( ١٩٣٢ء، بے نظیر شاہ، کلام بے نظیر، ١٧٣ ) ٢ - مقولہ، کہاوت۔  زلف رخ پر جو چھٹی رات ہوئی یا نہ ہوئی کیوں، نہ کہتا تھا مری بات ہوئی یا نہ ہوئی      ( ١٨٢٦ء، معروف (فرہنگ آصفیہ، ٢٤٧:٤) ) ٣ - امر، معاملہ۔ "آپ نے کتاب . بھیجنے کا وعدہ کیا تھا . آپ کے حافظے سے یہ بات اتر گئی۔"      ( ١٩٢٧ء، ) ٤ - خیال۔ "میرے دل میں اک بات آئی ہے۔"      ( ١٩٤٥ء، الف لیلہ و لیلہ، ابوالحسن منصور، ١٥:٦ ) ٥ - ذکر، تذکرہ۔  جو دیکھے گا روتے مجھے تم کو ہنستے مری بات چھوڑو تمھیں کیا کہے گا      ( ١٩٣٨ء، سریلی بانسری، ٣٠ ) ٦ - واقعہ، ماجرا، سرگزشت۔  بات اک یاد آئی ہے مجھ کو میری آنکھوں کے آگے گزری جو      ( ١٨٧٣ء، کلیات منیر، ٥٦١:٣ ) ٧ - خصوصیت، امتیاز۔  آدمی کی زندگانی میں کوئی تو بات ہے دو فرشتے لکھ رہے ہیں داستان زندگی      ( ١٩٣٢ء، بے نظیر، کلام بے نظیر، ٢٣٨ ) ٨ - بحث، قیل و قال، حجت۔  یہاں بات کی اب سوائی نہیں نبی اور علی میں جدائی نہیں      ( ١٧٨٤ء، سحرالبیان، ٢١ ) ٩ - سج دھج، ٹھاٹ۔  ایسا دربار مگر تو نے نہ دیکھا ہو گا بات یہ ان میں نہ ہو گی نہ یہ ساماں ہوں گے      ( ١٩١٥ء، کلام محروم، ٩٨:١ ) ١٠ - خوبی، عمدہ صفت۔  بے جس کے اندھیر ہے سب کچھ، ایسی بات ہے اس میں کیاجی کا ہے یہ باؤ لاپن یا بھولی بھالی آنکھیں ہیں      ( ١٩٣٨ء، سریلی بانسری، ٦٧ ) ١١ - حالت، کیفیت۔ "پانچ پیسوں کے لیے بلک رہی تھی . مجھے کیا خبر تھی کہ . اس کی یہ گت ہو جائے گی۔ میرے چلتے وقت گو وہ بات نہ رہی تھی مگر پھر بھی یہ ہدڑا تو نہ تھا۔"      ( ١٩٠٨ء، صبح زندگی، ١٢٩ ) ١٢ - طریقہ، روش، دستور، طور۔ "عیسائی مذہب کی ایک یہ بات بھی میرے ذہن میں کھٹکتی ہے۔"      ( ١٩٠٧ء، اجتہاد، ١١٠ ) ١٣ - آبرو، عزت، ساکھ، بھرم۔ "سید کاظم نے فاقے قبول کیے، مگر باپ کی بات کو ہاتھ سے نہ دیا۔" ١٤ - منگنی، لڑکی کی شادی کا پیام سلام، بیاہ کی نسبت۔ "بچی کو دیکھ دیکھ کر اس کے ہوش اڑے جاتے تھے مگر کوئی بات ڈھنگ کی نہ ملتی تھی۔"      ( ١٩٢٩ء، تمغہ شیطانی، ٦ ) ١٥ - اصول؛ مقصد۔  بے غرق ہوئے کوئی ابھرتا ہی نہیں ہے جو بات پہ مرتا ہے، وہ مرتا ہی نہیں ہے      ( ١٩٤٩ء، سموم و صبا، ١٣٤ ) ١٦ - بھید، راز، رمز، نکتہ۔  غوطے کھلواتی ہیں یہ رمزیں تری اے بحر حسن تھاہ اک اک بات کی دو دوپہر ملتی نہیں ١٧ - عہد، قول و قرار، قسم، پیمان۔ "کچھ ہی ہو، بات ہے تو سب کچھ ہے۔ اب تو جو عہد کر لیا، خدا نے چاہا تو اس فتنے کو کبھی منہ نہ لگاؤں گا۔"      ( ١٩١٨ء، چٹکیاں اور گدگدیاں، ٥٠ ) ١٨ - عادت جاریہ، روزمرہ کا مشغلہ، معمول۔  جھڑکی تو مدتوں سے مساوات ہو گئی گالی کبھی نہ دی تھی سو اب بات ہو گئی      ( ١٩٢١ء، فغان اشرف، ١٧ ) ١٩ - مآل، پھل۔  دنیا عجب بازار ہے کچھ جنس یاں کی ساتھ لے نیکی کا بدلا نیک ہے بد سے بدی کی بات لے      ( ١٨٣٠ء، نظیراکبر آبادی، (مضامین فرحت)، ٢٤:٦ ) ٢٠ - عندیہ، ما فی الضمیر۔  ہاں ہاں تری بات اب میں سمجھی ہے بات یہی قسم خدا کی      ( ١٨٥١ء، مومن، کلیات، ٢٩٩ ) ٢١ - طرز بیان۔  ایک مطلب ہیں بات کا ہے فرق بت اسے کہیے یا خدا کہیے      ( ١٩٤٦ء، فغان آرزو، ٢٣٥ ) ٢٢ - معمولی چیز، ادنٰی سا کرشمہ، ادنٰی اور سہل کام۔  تم جو بوسہ دو تو کھولوں میں دہن کا عقدہ بات ہے باندھنا مضموں مجھے دقت کیا ہے      ( ١٨٧٠ء، الماس درخشاں، ٣٣١ ) ٢٣ - مدت قلیل، پلک جھپکنے کی مدت۔  ناکام کا یوں کام، ملاقات میں بن جائے برسوں کا جو بگڑا ہو وہ اک بات میں بن جائے      ( ١٨٧٤ء، انیس، مراثی، ١٦:١ ) ٢٤ - بہانہ، حیلہ۔  محبت دل میں جب ہوتی ہے، انساں کیا نہیں کرتا شکایت کی فقط اک بات ہے آزردہ ہونا تھا      ( ١٨٩٢ء، وحید الہ آبادی، انتخاب، وحید، ٢٣ ) ٢٥ - امر نازیبا، ناشائستہ عمل، قابل اعتراض فعل۔ "اس نے تو ایسی بات کی، جس نے ہمارے خاندان کی عزت کو خاک میں ملا دیا۔" ٢٦ - نصیحت، پند، مشورہ۔ "کوئی ہے جو سو روپے میں ایک بات خریدے۔"      ( ١٩٦٣ء، ساڑھے تین یار، ١٠٨ ) ٢٧ - امراہم، قابل اعتنا۔  بات ہی کیا ہے اک بلا نہ رہے نہ رہے جان مبتلا نہ رہے      ( ١٩١٦ء، نقوش مانی، ٢٧ ) ٢٨ - درخواست، التجا، حکم، فرمان۔  جو کہا میں نے سمجھ سوچ کے وہ مان گئے شکر ہے آج مری بات اکارت نہ گئی      ( ١٩٠٥ء، یادگار داغ، ١٦٨ ) ٢٩ - کارنمایاں، امر عظیم۔  کس تیغ کے ہو منہ سے وہ بات اس سے جو ہوئی زخمی کے لب سے آہ جو نکلی تو دو ہوئی      ( ١٨٧٥ء، دبیر(نوراللغات، ٤٩١:١) ) ٣٠ - ثبوت، دلیل، سبب۔  بات کیا چاہیے جب مفت کی حجت ٹھہری اس گنہ پر مجھے مارا کہ گنہ گار نہ تھا      ( ١٨٧٨ء، گلزار داغ، ٣٨ ) ٣١ - صورت حال۔  دن کٹ گیا فراق کا لو رات آگئی میں جس سے ڈر رہا تھا وہی بات آگئی      ( ١٩١٠ء، گل کدہ، عزیز، ١٠٩ ) ٣٢ - لطف، مزہ۔ "آج ابھی سے بھوک لگ رہی ہے خدا کا شکر ہے رات کو نیند بھی اچھی آئے تب بات ہے۔"      ( ١٩١٧ء، خطوط حسن نظامی، ٤١:١ ) ٣٣ - فعل، کام۔  ہونے کو تو کیا ان سے ملاقات نہ ہو گی جس بات کی خواہش ہے وہی بات نہ ہو گی      ( ١٩٠٥ء، یادگار داغ، ١٦٦ ) ٣٤ - گلہ، شکوہ، شکایت۔ "وقت نکل جاتا ہے بات رہ جاتی ہے۔"      ( ١٩٢٤ء، نوراللغات، ٤٩١:١ ) ٣٥ - حاجت، ضرورت۔  جب زبانی مرے اور اس کے لگے ہونے کلام پر وہ جب اٹھ گیا پھر کیا رہی تحریر کی بات      ( ١٨٤٥ء، کلیات ظفر، ٤٩١:١ ) ٣٧ - مرثیہ، حیثیت، منصب۔  ہوں مقرب پہ فرشتوں کو یہ حاصل نہیں بات ان سے رتبے میں فزوں تر ہے بس اللہ کی ذات      ( ١٩٣١ء، محب، مراثی، ٢٢ ) ٣٨ - حادثہ، کیفیت، واردات۔  کل سے وہ اداس اداس ہیں کچھ شاید کوئی بات ہو گئی ہے      ( ١٩٧٥ء، حکایت نے، ٦٨ ) ٣٩ - تدبیر، علاج۔ "مریض کی طبیعت ایسی خراب ہے کہ حکیم صاحب کی سمجھ میں کوئی بات نہیں آتی۔"      ( ١٩٢٤ء، نوراللغات، ٤٩٢:١ ) ٤٠ - معاملہ، مسئلہ، سوال۔ "یار دیکھنا! یہ تو تلوار چلنے کی بات ہے۔"      ( ١٩٣٥ء، آغا حشر، اسیر حرص، ٣١ ) ٤١ - شے، چیز، سامان، اسباب۔ "تمھارے یہاں کس بات کی کمی ہے۔"      ( ١٨٩٨ء، مخزن المحاورات، ٧٧ ) ٤٢ - بولی، طعنہ، طنز، تشنیع۔ "مجھ کو کسی کی بات کی برداشت نہیں۔"      ( ١٨٩٥ء، فرہنگ آصفیہ، ٣٤٢:١ )