بارش

معنی

١ - مینھ۔ "میں دیکھ رہا ہوں کہ تمھارے گھروں پر بارش کی طرح فتنے برس رہے ہیں۔      ( ١٩٢٣ء، سیرۃ النبی، ٤٣:٣ ) ٢ - مینھ برسنے یا برسانے کا عمل۔  اک عمر ہو گئی کہ ہے بارش میں چشم تر اب تک نہ کوئی نخل تمنا ہرا ہوا      ( ١٩٢٤ء، تجلائے شہاب ثاقب، ٤٤ ) ٣ - برسات کا موسم۔ "بارش کے زمانے میں بھی بمبئی کی سڑکوں پر کیچڑ نہیں ہوتی۔"      ( ١٩٥٨ء، مہذب اللغات، ٢٠٣:٢ ) ٤ - کسی کیفیت یا شے کا کسی پر بہتات کے ساتھ نزول۔  وہ تیروں کی بارش وہ یداللہ کا جانی جو بیس پہر گزرے کہ پایا نہیں پانی      ( ١٩٤٣ء، مرثیۂ نجم (مصور حسین)، ٧ )