بازار

معنی

١ - خرید و فروخت کی جگہ، جہاں مستقل یا عارضی دکانیں ہوں، منڈی۔ "معزز اور نامور غلاموں کا جیسا بازار مصر رہا ہے اور کوئی ملک نہیں رہا۔"    ( ١٩٢٦ء، شرر، مضامین، ١٧٢:٣ ) ٢ - ساتویں یا آٹھویں دن لگائی جانے والی عارضی منڈی۔ "اسی درخت کے نیچے بازار اور میلے ہوتے ہیں۔"    ( ١٩٢٣ء، ویدک ہند، ٢٢٤ ) ٣ - وہ منڈی جہاں خصوصیت سے کسی مال کی مانگ اور کھپت ہو، کسی جنس کی مارکیٹ۔ "ہندوستانی کارخانوں کے لیے بازار ہونے ضروری ہیں جہاں ان کے حال کی کھپت ہو۔"    ( ١٩٤٣ء، آجکل، دہلی، یکم جون،٤ ) ٤ - عام گزرگاہ یا مقام، کھلی جگہ۔  بے اذن ملک کو بھی یہاں بار نہیں ہے سادات کا گھر ہے کوئی بازار نہیں ہے    ( ١٩١٢ء، شمیم ریاض شمیم، ١٤٩:٦ ) ٥ - کاروبار، تجارت۔  یہاں قیمت نہیں دیتا ہے جنس دل کی بھی کوئی بھلا حسرت بتا اس جنس کا بازار کیسا ہے      ( ١٧٨٥ء، حسرت (جعفر علی)، ک، ٢٧٥ ) ٦ - نرخ، قیمت، بھاؤ۔  قیمت نیم نگہ دیتے ہیں عاشق دوجہاں کر دیا عشق نے یہ خنکی بازار کو تیز      ( ١٨٤٥ء، کلیات ظفر، ١٠٨:١ ) ٧ - جہاں منڈی کی طرح مجمع عام ہو، منڈی کے لیے مجمع عام کی جگہ۔  داد پائے گا بھلا کیا حشر کے بازار سے نام قاتل چھپ سکے گا زخم دامن دار سے      ( ١٩٣٤ء، تجلائے شہاب ثاقب، ١٥٨ ) ٨ - منڈی کے لوگ۔ "سارے بازار نے اپنی آنکھوں سے دیکھا۔"      ( ١٩٣٦ء، گرداب حیات، ٥ )