بانگ

معنی

١ - صدا، ندا، آواز، نعرہ۔  راہ غم اور قافلۂ دل کس کو خبر ہے منزل کی شور جرس، آواز حدی خواں بانگ منادی کچھ بھی نہیں      ( ١٩٣٢ء، مانی، نقوش مانی، ١٣٣ ) ٢ - آذان، مسجد میں نماز کا وقت آنے پر اعلان کے خاص عربی کلمات جو اللہ اکبر سے شروع ہو کر لا الہ الاللہ پر ختم ہوتے ہیں۔  کیا پھولوں نے شبنم سے وضو صحن گلستاں میں صدائے نغمہ بلبل اٹھی بانگ آذاں ہو کر      ( ١٩٢١ء، اکبر، کلیات، ٢٩٢:١ ) ٣ - تڑکے میں مرغ کی آواز (جیسے آذان کہتے ہیں)۔  صبح ہے اب ترے اقبال کی اے مرغ سحر کیا تعجب ہے اگر ہو یہ تری آخری بانگ      ( ١٩٤٢ء، سنگ و خشت، ١٣١ )