باڑا

معنی

١ - احاطہ، باڑ، چار دیواری۔ "کاشتکار ان کو اکھیڑ کر کھیتوں کے باڑے بنانے کے کام میں لاتے ہیں۔"    ( ١٩٣٢ء، عالم حیوانی، ٥٧ ) ٢ - مکان، محل۔ "اطلاع پر اطلاع مسجدوں اور امام باڑوں کے منہدم کیے جانے کی آ رہی تھی۔"    ( ١٩٣٢ء، ریاض خیر آبادی، نثر ریاض، ٧١ ) ٣ - جانوروں کے رکھے جانے کا مکان یا گھیرا۔ "گایوں کو دیکھنے بھالنے کے لیے باڑے کی طرف جا رہا ہے۔"    ( ١٩٠١ء، جنگل میں منگل، ٤٩ ) ٤ - محلہ، کٹڑا۔ "کوئی غیر شخص - ہندو راو کے باڑے یا صدر میں جا کے دیکھے - ایسی اشتعال طبع کی باتیں سنے گا کہ اسے ڈر معلوم ہو گا۔"      ( ١٩٢٨ء، حیرت، مضامین، ٢٥٢ ) ٥ - میدان، پڑی ہوئی اراضی۔  گھاگرا کے پاس باڑہ ہو اگر کوئی وسیع بیل رکھا کی نمائش کا وہاں ہو انصرام      ( ١٩٢٤ء، دیوانجی، ٣١٥:٣ ) ٦ - تکیہ، قبرستان، فقیروں کے رہنے کی جگہ۔ "یہ نگوڑا باڑے کا فقیر مکار اٹھائی گیرا میری قسمت میں لکھا تھا۔"      ( ١٨٩٢ء، طلسم ہوشربا، ٩٤٩:٧ ) ٧ - خیرات، بکھیر، نچھاور۔  اتار کر ان کے رخ کا صدقہ یہ نور کا بٹ رہا تھا باڑا کہ چاند سورج مچل مچل کر جبیں کی خیرات مانگتے تھے      ( ١٩٠٥ء، حدائق بخشش، ٦٥:١ ) ٨ - گاؤں کی بستی کے قریب ترکاریاں وغیرہ لگانے کا چھوٹا کھیت جس کے اطراف مستقل باڑ بنی ہوئی ہو۔ (اصطلاحات پیشہ وراں، 14:6)