برسنا

معنی

١ - پانی کا مسلسل بوندوں کی شکل میں فضا سے زمین پر آنا، بارش ہونا، مینھ پڑنا۔ مینھ کہتا ہے آج برس کے پھر نہ برسوں گا، اندھیرا گھپ ہے۔      ( ١٩٣٣ء، فراق، مضامین فراق، ٧٧ ) ٢ - (کسی چیز کا) مسلسل یا پے در پے آنا، لگاتار آ کر پڑنا، کسی چیز کی بوچھاڑ ہونا (کثرت یا تسلسل و تواتر ظاہر کرنے کے لیے)  دل تباہ یاس و نومیدی و حرماں ہو گیا اتنے ہم اس شہر پر برسے کہ ویراں ہو گیا      ( ١٩٤٢ء، سنگ و خشت، ١٤ ) ٣ - ڈانٹنا، پھٹکارنا، غصہ کرنا، جھڑکنا، آڑے ہاتھوں لینا۔ 'رقیبوں پر برسنے لگے تو انہیں پیچھا چھڑانا مشکل ہو گیا۔"      ( ١٩٣٣ء، مضامین شرر، ١٣٢:١ ) ٤ - ٹپکنا، جھلکنا، نمایاں ہونا، آثار سے پتا چلنا۔ 'کوئی حسین عورت ایسی نہیں جس کے چہرے پر صدق و صفا برستا ہو۔"      ( ١٩٤٣ء، انطونی اور کلاپطرا، ٧٧ )