بنجارا

معنی

١ - غلے کا تاجر، سوداگر، بیوپاری "اکثر بڑے جتھے اس لئے قائم ہوے تھے کہ بنجارے جو ملک میں پھر کر غلے کی تجارت کرتے تھے، ان کو لوٹ لیا کریں۔"      ( ١٩٣٢ء، سیرۃ النبیۖ ،٣٣٩:٤ ) ٢ - ایک خانہ بدوش قوم جو تجارت یا کسی اور غرض سے ایک مقام سے دوسرے مقام پر سفر کرتی رہتی ہے؛ اس قوم کا ایک فرد۔ "بعض گروہ ایسے بھی موجود ہیں جو نیم وحشی ہیں ان میں ملک ہند کے بنجارے ہیں۔"      ( ١٩١٣ء، تمدن ہند، ٩٢ ) ٣ - ایک قسم کا شکاری کتا، (جیسے بنجارے اپنے مال کی حفاظت کے لئے سدھا کر اپنے ساتھ رکھتے ہیں) "بنجارے . محض بیکار اور اس شکار کو تباہ کرنے والے ہیں۔"      ( ١٩٣٢ء، قطب یار جنگ، شکار، ٣٠٠:٢ ) ٤ - ایک قسم کا گیت جس میں اکثر محبوب کی جدائی یا بیوفائی کا شکوہ ہوتا ہے۔  کوئی جھول کر جھولا بنجارہ گائے کوئی منگا دو کھانڈا گا کر سنائے      ( ١٨٩٣ء، صدق البیان، ١٠٠ )