بھرا

معنی

١ - پُر، لبریز، بھرا ہوا۔  مژگان خون فشاں کی حقیقت نہ پوچھیے پچکاریاں بھری ہیں محبت کے رنگ سے      ( ١٨٣٦ء، ریاض البحر، ٢٠٥ ) ٢ - پرگوشت، گول گول، گداز (عموماً تکرار کے ساتھ)۔  شانے وہ گول گول وہ بازو بھرے بھرے فرقت میں جن کی حور نہ تکپے پہ سر دھرے      ( ١٨٧٤ء، انیس، مراثی، ٢٢٥:٩ ) ٣ - غضبناک، پر غیظ، کشیدہ خاطر۔  پر غضب رہتے ہیں اغیار سے خالی ہو کر مجھ سے جس وقت وہ ملتے ہیں بھرے ملتے ہیں      ( ١٩٠٧ء، دیوان راسخ دہلوی، ١٥٠ ) ٤ - آباد (عموماً گھر کے ساتھ)۔ "پھوپی کے دل سے پوچھو جس کا بھرا گھر آج سونا ہو گیا۔"      ( ١٩٠٨ء، صبح زندگی، ٢٣٩ ) ٥ - سارا، کل، پورا۔  آج سے وہ سب مسلمانوں کے سر کا تاج ہے دے رہی ہے یہ شہادت قوم کی مجلس بھری      ( ١٩٠٠ء، کلیات نظم حالی، ٩٢:٢ ) ٦ - بھرپور، نقطۂ عروج پر پہنچ جانے والا، ٹھیک، عین۔  جن کے جیوں کا روگ ہوں ہجر سے زندگانیاں چھین لے ان سے اے خدا ان کی بھری جوانیاں      ( ١٩٢٥ء، عالم خیال، ١٨ ) ٧ - موجود، جمع، اکٹھا۔  کہ قدرت میں اس کی ہے کیا کیا بھرا مسبب کے اسباب دیکھو ذرا      ( ١٧٨٤ء، سحرالبیان، ١٠١ )