بھرتی

معنی

١ - کھپانا، بھرنا، کشیدہ کاری و سلائی میں ٹانکا بھرنا۔  مجھ کو لکھنے کی، مضامین کے لیاقت گو نہیں حشو کی بھرتی بھی آجاتی ہے لیکن کام میں      ( ١٩٢٤ء، انشائے بشیر، (دیباچہ)، ١٠ ) ٢ - اندراج، داخلہ، کسی محکمے میں داخل ہونے یا لکھانے کا عمل۔ "فوج میں ان کی بھرتی موقوف ہو گئی تھی۔"    ( ١٩٠٥ء، مقالات حالی، ٩٥:٢ ) ٣ - سمائی، کھپت۔  غم کی بھرتی ہو چکی دل میں مرے ڈھونڈتا ہے درد گنجائش نئی    ( ١٨١٣ء، پروانہ، کلیات جسونت سنگھ، ٣٥٠ ) ٤ - وہ چیز جو کسی دوسری چیز میں بھری جائے، بھراؤ۔  جو بے سمجھے ہوئے بھر دیتی ہے خو گیر کی بھرتی کہو جس سے وہ کہتا ہے ہمیں چشم مروت ہے      ( ١٩١٨ء، دیوانجی، ٣٠٠:٣ ) ٥ - ٹھونس، ٹھانس، بے وجہ داخل کرنے یا خلا پر کرنے کا عمل۔  دیوان میں مرے نہیں بھرتی کے ایسے شعر بھرتے ہیں جیسے صفحۂ قرطاس اور لوگ      ( ١٨٧٢ء، مظہر عشق، ١٠١ ) ٦ - حشو، زائد۔ "بھرتی کا اس میں نام نہیں فضولیات سے ہم کو کام نہیں۔"      ( ١٩٢٥ء، حکایات لطیفہ، (دیباچہ)، ٦ ) ٧ - جہاز یا مال گاڑی کا اسباب جو بھرا جائے (ماخوذ: نوراللغات، 723:1)