تر

معنی

١ - گیلا، بھیگا ہوا، نم۔ "آپ بے اختیار روئے یہاں تک کہ روتے روتے محاسن مبارک تر ہو گئے۔"    ( ١٩١٤ء، سیرۃ النبیۖ، ٣٩٢:٢ ) ٢ - [ مجازا ] سمندر، دنیا کا وہ حصہ جس پر پانی ہے (خشکی کے ساتھ مستعمل)۔  سعد ہور امیہ کی نیں تھی خبر نہیں دیکھے تھے کوئی زخشکی و تر    ( ١٦٤٩ء، خاور نامہ، (ق)، ٨٢٣ ) ٣ - شاداب، تروتازہ۔  راستے میں مرد کے ڈالے گئے تیغ و تبر اور عورت کی طرف پھینکے گئے گلبرگ تر      ( ١٩٣٢ء، فکرو نشاط، ١٠٨ ) ٤ - آب دار، شگفتہ، مزہ دار (شعر وغیرہ)، رسیلا، تازہ۔  خشک سیروں تن شاعر کا لہو ہوتا ہے تب نظر آتی ہے اک مرصع ترکی صورت      ( ١٨٧٣ء، مراۃ الغیب، ١٠٥ ) ٥ - مرغن، خوب چکنا، گھی میں تربتر (کھانے اور مٹھائیاں وغیرہ)۔  کیا کیجیئے تر نوالوں کا موسم نہیں رہا چپکے ہوئے ہیں یار کے رخسار آج کل      ( ١٩١٣ء، دیوان پروین، ٤٩ ) ٦ - آلودہ، لتھڑا ہوا، ڈوبا ہوا۔  دریائے معاصی تنک آبی سے ہوا خشک میرا سر دامن بھی ابھی تر نہ ہوا تھا      ( ١٨٦٩ء، غالب دیوان، ١٥٢ ) ٨ - (لاحقہ) صفت میں مقابلۃً زیادتی کرنے کے لئے، بہت۔ "آئندہ چل کر یہ معلوم ہو گا یہ مسئلہ ایک عام تر مسئلہ کی صرف ایک مخصوص صورت ہے۔"      ( ١٩٣٧ء، علم ہندسۂ نظری، ١٨٦ )