تھاپی
معنی
١ - تھاپنے کی آواز، تھپکی، ہتھیلی سے بنایا ہوا نشان؛ کمھار کا وہ اوزار جس سے برتن گھڑتا یا مٹی گوندھتا ہے۔ (پلیٹس؛ نوراللغات) ٢ - مٹی یا چونا کوٹنے کا چوبی آلہ۔ "یہی حالات چھتے کی تعمیر میں تھاپی اور پھاوڑے کا کام دیتے ہیں۔" ( ١٩٤٠ء، شہد کی مکھیوں کا کارنامہ، ٣٢ ) ٣ - [ معماری ] استرکاری کو تھپکنے کا چوبی اوزار جو سطح فرش کو کوٹنے والی تھاپی سے نسبتاً چھوٹا ہوتا ہے، نیز کرنی۔ "باریک چونے کی تہہ ایک بڑی تھاپی سے لگائی جاتی ہے۔" ( ١٩١٧ء، رسالۂ تعمیر عمارت، ٣٣ ) ٤ - رس نکالنے کے کولھو کی لاٹ کا چپٹا سرا جو گنے کے ٹکڑوں کو کچلتا ہے۔ (اصطلاحات پیشہ وراں، 193:3) ٥ - کرکٹ یا ٹینس کھیلنے کا بلا، بیٹ، ریکٹ۔ "واہ آپ تو خوب ہیں اس روز موئے کی تھاپی اس زور سے ماری۔" ( ١٩٤٤ء، رفیق حسین، گوری ہو گوری، ١٥٦ ) ٦ - ڈھیری، انبار جس میں کوئی چیز ایک کے اوپر ایک رکھی ہوئی ہو۔ "اس قسم کی ڈھیری کو تھاپی کہتے ہیں۔" ( ١٩٤٦ء، نباتی دباغت، ٣٠٥ ) ٧ - تھپتھپانے کا عمل۔ "سعید میاں نے کار کو تھاپی دی۔" ( ١٩٧٤ء، ابن بطوطہ کے تعاقب میں، ٢١٠ )
اشتقاق
ہندی زبان سے اردو میں داخل ہوا۔ اصل ساخت اور معنی کے ساتھ عربی رسم الخط میں مستعمل ہوا۔ اردو میں سب سے پہلے "سعادت دارین" میں مستعمل ملتا ہے۔
مثالیں
٢ - مٹی یا چونا کوٹنے کا چوبی آلہ۔ "یہی حالات چھتے کی تعمیر میں تھاپی اور پھاوڑے کا کام دیتے ہیں۔" ( ١٩٤٠ء، شہد کی مکھیوں کا کارنامہ، ٣٢ ) ٣ - [ معماری ] استرکاری کو تھپکنے کا چوبی اوزار جو سطح فرش کو کوٹنے والی تھاپی سے نسبتاً چھوٹا ہوتا ہے، نیز کرنی۔ "باریک چونے کی تہہ ایک بڑی تھاپی سے لگائی جاتی ہے۔" ( ١٩١٧ء، رسالۂ تعمیر عمارت، ٣٣ ) ٥ - کرکٹ یا ٹینس کھیلنے کا بلا، بیٹ، ریکٹ۔ "واہ آپ تو خوب ہیں اس روز موئے کی تھاپی اس زور سے ماری۔" ( ١٩٤٤ء، رفیق حسین، گوری ہو گوری، ١٥٦ ) ٦ - ڈھیری، انبار جس میں کوئی چیز ایک کے اوپر ایک رکھی ہوئی ہو۔ "اس قسم کی ڈھیری کو تھاپی کہتے ہیں۔" ( ١٩٤٦ء، نباتی دباغت، ٣٠٥ ) ٧ - تھپتھپانے کا عمل۔ "سعید میاں نے کار کو تھاپی دی۔" ( ١٩٧٤ء، ابن بطوطہ کے تعاقب میں، ٢١٠ )