جانگیا
معنی
١ - پاجامے کی طرح کا سلا ہوا کپڑا جس کی مہریاں گھٹنوں کے اوپر تک ہوتی ہیں، کاچھا۔ "جسم پر چست جانگیہ گلے میں سونے کے چھوٹے چھوٹے تعویذ" ( ١٩٣٠ء، مضامین فرحت، ٤٠:٢ ) ٢ - ایک طرح کی کسرت جس میں بید کو پیر کے انگوٹھے اور دوسری انگلی سے پکڑ کر پنڈلی میں لپیٹتے ہوئے دوسرے پیر کے انگوٹھے سے بید کو پکڑ کر اور نیچے کی طرف سر کر کے لٹک جاتے ہیں۔ (شبد ساگر) ٣ - اکھاڑے میں اترنے یا ورزش کرنے کے وقت ستر چھاپنے کا پہلوانی جامہ۔ (اصطلاحات پیشہ وراں، 24:8))
اشتقاق
سنسکرت کے اصل لفظ 'جنگھا' سے ماخوذ اردو زبان میں 'جانگ' مستعمل ہے اس کے ساتھ 'یا' بطور لاحقۂ نسبت لگانے سے 'جانگیا' بنا اردو میں بطور اسم مستعمل ہے ١٨٧٧ء میں "توبۃ النصوح" میں مستعمل ملتا ہے۔
مثالیں
١ - پاجامے کی طرح کا سلا ہوا کپڑا جس کی مہریاں گھٹنوں کے اوپر تک ہوتی ہیں، کاچھا۔ "جسم پر چست جانگیہ گلے میں سونے کے چھوٹے چھوٹے تعویذ" ( ١٩٣٠ء، مضامین فرحت، ٤٠:٢ )