جلال

معنی

١ - عظمت، بزرگی، بڑائی؛ (خدا کی) صفت قہاری۔  گر سوے فلک ہم آنکھ اٹھائیں ہر سو اس کا جلال پائیں      ( ١٩٢٧ء، تنظیم الحیات، ٢٦ ) ٢ - شان و شوکت۔  میں جوئے نغمہ بار تھی، میں صوت آبشار تھی جمال سبزہ زار تھی، جلال کو ہسار تھی      ( ١٩٤٨ء، تارپیراہن، ١٣٨ ) ٣ - رعب داب، وجاہت۔  صورت سے عیاں جلال شاہی چہرے پہ فروغ صبح گاہی      ( ١٩٠٤ء، شبلی، کلیات، ٨ ) ٤ - قہر۔ "ایک شاعر نے جلال اور غیظ کو ان الفاظ میں ادا کیا ہے۔"      ( ١٩٢٤ء، شبلی، مقالات، ٩:٢ ) ٥ - تیزی، سختی، تندی۔ "جمال اور جلال کی رگڑ سے روح پیدا ہوئی۔"      ( ١٩٠٤ء، تذکرۃ الاولیا، ٦٠٣ )