جلد
معنی
١ - جاندار کے جسم کا بیرونی حصہ (سطح)، چمڑی، کھال، خول، پوست، چام۔ "بھیجے پر دو جھلیاں ایک ہڈی اس پر جلد اور اس میں بال۔" ( ١٩٢٨ء، کانا باتی، ٢٠ ) ٢ - کتاب کی مجموعی ہئیت، کئی حصوں میں چھپی ہوئی کتاب کے سیٹ میں سے ایک حصہ، کسی کتاب کا ایک نسخہ۔ مجھ سے ہاتف نے کہا کس لیے خاموش ہو مہر یہ بنی جلد سوم گلشن رضواں کی بہار ( ١٩٣٦ء، شعاع مہر، ١٩٤ ) ٣ - کتاب کی جز بندی اور سلائی وغیرہ (پٹھوں کی بندش کے ساتھ)، (انگ: cover) پوشش۔ "جلد کتاب کا لباس ہوتی ہے، جس طرح انسانی جسم لباس کا محتاج ہے اسی طرح کتابیں بھی جلد کی محتاج ہیں۔" ( ١٩٦١ء، انتظام کتب خانہ )
اشتقاق
اصلاً عربی زبان کا لفظ ہے۔ اور بطور اسم مستعمل ہے۔ اور ثلاثی مجرد کے باب کا مصدر بھی ہے۔ اردو میں عربی سے ماخوذ ہے اور اصلی حالت اور معنی میں ہی بطور اسم مستعمل ہے۔ ١٥٦٤ء میں "دیوان حسن شوقی" میں مستعمل ملتا ہے۔
مثالیں
١ - جاندار کے جسم کا بیرونی حصہ (سطح)، چمڑی، کھال، خول، پوست، چام۔ "بھیجے پر دو جھلیاں ایک ہڈی اس پر جلد اور اس میں بال۔" ( ١٩٢٨ء، کانا باتی، ٢٠ ) ٣ - کتاب کی جز بندی اور سلائی وغیرہ (پٹھوں کی بندش کے ساتھ)، (انگ: cover) پوشش۔ "جلد کتاب کا لباس ہوتی ہے، جس طرح انسانی جسم لباس کا محتاج ہے اسی طرح کتابیں بھی جلد کی محتاج ہیں۔" ( ١٩٦١ء، انتظام کتب خانہ )