جگ

معنی

١ - ہنود کے مجوزہ چار زمانوں (ست جگ، تریتا جگ، دواپر جگ اور کلجگ) میں سے ہر ایک زمانہ جگ کہلاتا ہے۔  چوستی آئی ہے جو ہر جگ کے راون کے لہو پھر وہ کالی آج کلکتہ میں پرگٹ ہو گئی      ( ١٩٣٠ء، بہارستان، ٧٨٩ ) ٢ - [ مجازا ] قرن، صدی، زمانہ، دراز۔  اسی خواہش میں جگ بیتے کہ جیتے جی ملیں گے تم سے حریفوں نے عجب چوسر بچھائی آج ہم تم میں    ( ١٧٩٢ء، محب دہلوی، دیوان، ٤٨٦ ) ٣ - کافی لمبی مدت یا عرصہ۔ "آپ کہیں گے کہ ایک جگ کے بعد میں نے آپ پر اثبات وجود کیا بھی تو اس انداز سے۔"    ( ١٩١٤ء، مذاکرات نیاز فتحپوری، ٢٠ ) ٤ - جوا (ہل کا)؛ ایک ماپ جو چار ہاتھ کے برابر ہوتا ہے؛ عدد چار (4) اور کبھی بارہ (12) کا علامتی اظہار؛ پیڑھی، پشت۔ (جامع اللغات؛ پلیٹس)