جگانا

معنی

١ - بیدار کرنا، نیند سے اٹھانا۔ "اقبال نے گھر میں جا کر کمال بھائی کو جگایا۔"      ( ١٩٥٦ء، شیخ نیازی، ٨٦ ) ٢ - ہوشیار کرنا، خبر دار کرنا۔  دلوں میں درد ہے جن کے انہیں رلاؤں میں بہت دنوں سے ہیں سوئے ہوئے جگاؤں میں      ( ١٩٢٣ء، فروغ ہستی، ٤٣ ) ٥ - خواب سے باز رکھنا۔  سخت بیدرد ہے تاثیر محبت کہ انہیں بستر ناز پہ سوتے سے جگا رکھا ہے      ( ١٩١٢ء، کلیات حسرت موہانی، ٣٠ ) ٦ - رواج دینا، ازسر نو تازہ کرنا۔ "دوسری طرف صریر قلم نے مصر و یونان کے خفتہ علوم و فنون کو جگا دیا تھا۔"      ( ١٩٠٤ء، مقالات شبلی، ٢٤٠:١ ) ٧ - ترقی دینا، آگے بڑھانا، چمکانا۔ "بنگلور میں ہماری شاخ موجود ہے، اسے جگایا اور اس کے کتب خانے کے لیے ایک عمارت تجویز کی۔"      ( ١٩٣٧ء، مکتوبات عبدالحق، ١٣٠ ) ٨ - جادو کو زور دار اور موثر بنایا اور قابو میں لانا، منتر سدھ کرنا۔ "ان منتروں کو جگا کر تم اپنی زندگی میں کامیاب نہیں ہو سکتے۔"      ( ١٩٢٢ء، گوشۂ عافیت، ٣٩٢:١ ) ٩ - روز حشر خواب عدم سے جاگنا۔  گر جانتے جگائے گی برخیز حشر کی احساں نہ لیتے راحت خواب مزار کا      ( ١٨٦٥ء، نسیم دہلوی، دیوان، ٤٨ )