جگر

معنی

١ - وہ بستہ خون جو ہر جان دار کے پہلو میں ہوتا ہے اور خون کا مخزن کہلاتا ہے، اعضائے رئیسہ میں سے ایک عضو کا نام، کلیجا (کلیجی)۔ "دل و دماغ اور جگر و گردہ اپنی اپنی جگہ پر بن جاتے ہیں پھر کہیں سے اس میں روح آجاتی ہے۔"      ( ١٩٢٣ء، سیرۃ النبیۖ، ٦٦:٣ ) ٢ - [ مجازا ] دل، ہیا، چت، مَن۔  خنجر چلے کسی پہ تڑپتے ہیں ہم امیر سارے جہاں کا درد ہمارے جگر میں ہے    ( ١٨٨٨ء، صنم خانہ عشق، ٢٢٧ ) ٣ - جان، جی، پران۔  کہ وہ شاہزادۂ حسین علی جگر مصطفٰی ہور عین علی    ( ١٦٨١ء، جنگ نامہ سیوک، ٤٥ ) ٤ - (کسی چیز کا) اندرونی حصہ؛ مغز، گودا، ست، جوہر۔ "الائچیان، چکنی ڈلی، بن، لیکن جگر تک یک رنگ، بھنے ہوئے۔"      ( ١٩٢٣ء، اہل محلہ اور نااہل پڑوسی، ٥ ) ٥ - بیچوں بیچ، وسط، مرکزی، حصّہ۔ "غریب سہار نپور میرا ہے اور اس کے جگر میں مجھکو طالب علمی کے دن گزارنے کا موقع ملا ہے۔"      ( ١٩١٩ء، آپ بیتی، ١٠٥ ) ٦ - چہیتا، پیارا، بیٹا وغیرہ، دلارا، لاڈلا، عزیز۔  جان و دل سے نہ تصدق رہے کیوں خلق خدا جگر صاحب لولاک نما ہیں دونوں      ( ١٨٧٠ء، چمنستان جوش (احمد حسن خان)، ٩٠ ) ٧ - [ مجازا ]  ہمت، حوصلہ، مجال، تاب، برداشت۔ "تمہارا ہی جگر تھا کہ . ایسے الفاظ استعمال کر بیٹھے۔"      ( ١٩٥٦ء، حکمائے اسلام، ٣٣٩:٢ )