جگہ

معنی

١ - ٹھکانا، نشست۔ "یہ آواز سن کر سب لوگ کود کر بھاگ نکلے لیکن میں اپنی جگہ سے نہ ٹلا۔"      ( ١٩٢٣ء، سیرۃ النبیۖ، ٥٥٥:٣ ) ٢ - مقام، منصب۔ "سیف الملوک اور ساعد اس جگہ چلے گئے جو دولت خاتون نے بتایا تھا۔"      ( ١٩٤٥ء، الف لیلہ و لیلہ، ٦٣:٦ ) ٣ - گنجائش، وسعت، سمائی۔ "جگہ نہیں کہ اس پر اور بحث کی جائے لیکن اتنا کہنا ضروری ہے کہ یہ اعتراض مذہبی اور سیاسی ہے۔"    ( ١٩٤٨ء، ہندوستانی لسانیات کا خاکہ (مقدمہ)، ٦٥ ) ٤ - موقع، محل۔  ہے شکر کی جگہ کہ نہ مٹی ہوئی خراب بسمل کی لاش کوچۂ قاتل میں رہ گئی    ( ١٩١٥ء، جان سخن، ١١١ ) ٥ - بدلے، بجائے، عوض، قائم مقام۔ "کوٹ کی جگہ شیروانی ہوتی تو اچھا تھا۔"      ( ١٩٣٥ء، چند ہم عصر، ٢٢١ ) ٦ - عہدہ، نوکری، ملازمت، اسامی، خدمت۔ "اس وقت جوڈیشنل کمشنری میں عارضی طور پر دپٹی منصرمی کی جگہ خالی تھی۔"      ( ١٩٣٥ء، چند ہم عصر، ٣٠ )