خدا

معنی

١ - مالک، آقا۔ "اس نے مجرا کر کے کہا کہ عمرو دولت خدا کی بڑھے اور مہر انصاف . تا قیات جلوہ گر رہے"      ( ١٨٠١ء، آرائش محفل، حیدر بخش حیدری، ٩ ) ٢ - [ مذہب ]  بندے کے مقابل، خالق کائنات کا ذاتی نام اور خود اس کی ذات جس کے صفاتی نام ننانوے ہیں اور جو اپنی ذات و صفات کے ساتھ ہر جگہ موجود ہے، وہ ازل سے ہے ابد تک رہے گا، وہ یکتا ہے اور اس کا مثل کوئی نہیں، اللہ، ایشور، بھگوان۔  تجلی راز فطرت میں محمدۖ کے سوا کیا ہے خدا کے بعد جو کچھ ہے محمدۖ ہی کا جلوا ہے      ( ١٩٨٤ء، مرے آقا، ٦٤ ) ٣ - باکمال، ماہر۔ "بیدل ہائے بیدل . لیکن اس کا کیا علاج کہ تخیل کا بادشاہ ہے ندرت بیاں کا خدا ہے"      ( ١٩٢٤ء، سالنامہ نگار (مکتوبات نیاز)، ٩٠ ) ٤ - [ مجازا ]  جو کسی کا دست نگر نہ ہو، خود مختار، آزاد۔  سراپا آرزو ہونے نے بندہ کر دیا ہم کو وگرنہ ہم خدا تھے گر دل بے مدعا ہوتے      ( ١٨١٠ء، میر، کلیات، ٢٩٠ ) ٥ - دیوتا، معبود۔ "میوزیم میں جاؤ ہزار ہاتصویریں پتھر کی ہیں تمام چیزوں کے خدا وہاں دیکھو گے"      ( ١٨٨٠ء، تہذیب الخلاق، ٥٣ )