خوب

معنی

١ - (ایجاب کے موقع پر) جی ہاں، بہت اچھا، بہتر، ٹھیک۔ "کلمات ایجاب . جی، جی ہاں، اچھا، بہت اچھا، خوب، بہت خوب . درست، صحیح۔"      ( ١٩٧٣ء، جامع القواعد (حصہ نحو)، ١٥٣ ) ٢ - (تحسین کے موقع پر) واہ وا، کیا کہنا، سبحان اللہ۔ "تحسین کے لیے: شاباش، آفرین، آفرین صدر آفرین، خوب بہت خوب، واہ . مرحبا صل علٰی۔"      ( ١٩٧٣ء، جامع القعاعد (حصہ نحو)، ١٦١ ) ٣ - [ طنزا ]  چہ خوش، عجیب بات ہے، حیرت کی بات ہے۔ "خوب یک نہ شد دو شد اپنی ننھی بہنوں کو تو کچھ کہا نہیں الٹے مجھی کو قائل معقول کرنا شروع کر دیا۔"      ( ١٩٠٠ء، خورشید بہو، ١٨ ) ١ - اچھے اوصاف کا حامل، عمدہ، اچھا، بھلا۔  اہل فراق کچھ بتاؤ اہل مذاق کچھ بتاؤ کون سی شے ہے خوب اِدھر کون سی خوب تر ادھر    ( ١٩٥٢ء، سخن مختصر، ٢٩ ) ٢ - (طنز و تحقیر کے موقع پر) بہت خوب۔  تھی خوب حضور علما باب کی تقریر بیچارہ غلط پڑھتا تھا اعراب سموات    ( ١٩٣٦ء، ضرب کلیم، ٤٢ ) ٣ - جو رنگ روپ اور شکل و صورت کے لحاظ سے آنکھوں کو بھلا لگے، خوش نما، حسین و جمیل؛ خوبصورت۔  خوبانِ زمانہ سے بہت خوب بنایا بنتے ہی خود اپنا اسے محبوب بنایا      ( ١٩١٢ء، شمیم، ریاض شیمی، ٩:٢ ) ٤ - نفیس، اعلٰی درجے کا۔ "ان نے کہاں میرے شہر میں ایک ذات کا انگور ہے کہ اس کو خایہ غلاماں کہتے ہیں اور تمہارے مریش بابا سے خوب ہے۔"      ( ١٨٠٢ء، نقلیات، ٥٩ ) ٥ - وہ فعل جس کا نتیجہ اچھا ہو، مفید، سود مند۔  یاد اس کی اتنی خوب نہیں میر باز آ نادان پھر وہ جی سے بھلایا نہ جائے گا      ( ١٨١٠ء، میر، کلیات، ١٢٥ ) ٦ - موزوں، مناسب، زیبا۔  چشم عالم سے رہے پوشیدہ یہ آئین تو خوب یہ غنیمت ہے کہ خود مومن ہے محروم یقیں      ( ١٩٣٦ء، ارمغان حجاز، ٢٢٦ ) ٧ - جو حسب دل خواہ ہو، پسندیدہ، خوشگوار۔  اندازِ سخن خوب چلن خوب ادا خوب جو بات تمہاری ہے وہ ہے نام خدا خوب      ( ١٨٧٠ء، کلیات واسطی، ٥٦:١ ) ٨ - عجیب و غریب، حیرت انگیز۔ "شرع والوں نے باتیں تو واللہ خوب نکالی ہیں سب کی سب حکمت پر مبنی ہیں۔"      ( ١٨٨٠ء، فسانہ آزاد، ٢٠٥:١ ) ٩ - قابل تعریف، لائق تحسین۔  فکر مرہم کا میرے واسطے مت کر ناصح خوب ہوتا نہیں اس عشق کا ناسور کبھو      ( ١٧٥٥ء، یقین، دیوان، ٤٢ ) ١ - معشوق، پیارا، محبوب (بیشتر طور جمع مستعمل)۔  روش بدل گئی خوبوں کی چشمِ فتاں کی نگاہِ شوخ کی گردش ہوئی ہے خانہ نشیں      ( ١٩٠٣ء، نظم نگاریں، ٦ ) ١ - بہت اچھی طرح، مکمل طور پر۔ "جب آسمان پر کالے کالے بادل خوب گھر کر چھائے ہوں۔"      ( ١٩٧٧ء، ابراہیم جلیس، الٹی قبر، ١٦٩ ) ٢ - بہت اچھے طریقے سے، بحسن و خوبی۔ "تاہم بالڈوں نے اپنی سلطنت کو خوب بچائے رکھا۔"      ( ١٩١٢ء، محار بات صلیبی، ٧٦ )