دوست

معنی

١ - وہ شخص جس کی محبت اور خیر خواہی قابل اعتبار ہو یا جس کی سچی خیر خواہی و محبت کی جائے جس کے ساتھ میل جول رسم و راہ، ملاقات ہو، (دشمن کا نقیض) "ہنستے جاؤ، ہنستے جاؤ ہمارے دوست نے سرجھکا کر کہا۔"      ( ١٩٨١ء، سفر در سفر، ١٤١ ) ٢ - ہمدم، ہم نشین، ہم جلیس، رفیق، انیس۔  زیست کب تک ساتھ دے گی دل کہاں تک جائے گا آرزو ئے دوست اب دامن نہ پھیلائے بہت      ( ١٩٧٩ء، دریا آخر دریا ہے، ٧٨ ) ٣ - محبوب، مطلوب ساجن، جس کے ساتھ دلی لگاؤ ہو؛ کسی شے یا علم کا شیدائی۔ "وہ لوگ تمام علوم میں تعلیم پاتے تھے، فلسفے کے بڑے دوست تھے۔"      ( ١٨٩٨ء، سرسید، تہذیب الاخلاق، ١٥٥:٢ ) ٥ - لاحقۂ، لفظ کا دوسرا جزو، اسم فاعل ترکیبی کے طور پر۔  میں بہررنگ وفا کوش رضا دوست رہا میں بہر حال محبت کا اشارا سمجھا      ( ١٩٦١ء، ہادی، صدائے دل، ١٢ )