دہرا

معنی

١ - دو تہہ کا۔ "وہ جس نے دوسروں کے سر پر تاج شاہی رکھ دیے ہماری دنیا میں اتنا بھی آرام نہ پاسکا کہ کمبل اس کے واسطے دہرا ہو جائے۔"    ( ١٩٣١ء، سیدہ کالال، ٦٤ ) ٢ - دوطرح کے۔  دہرے پیکاں ہیں تیر قاتل میں جگہ و دل کا ہے خدا حافظ    ( ١٩١٥ء، جان سخن، ٧٧ ) ٣ - مختلف اصولوں پر مبنی، قسم قسم کے۔ "بچوں کی تربیت میں اس کو اپنے شہر اور شوہر کے شہر کے دہرے تجربے مدد دیتے ہیں۔"    ( ١٩٤١ء، اولاد کی شادی، ٢٥ ) ٤ - جھکا ہوا، خمیدہ۔ "آنکھیں نکلی پڑتی تھیں، موا دہرا ہوا جاتا تھا۔"      ( ١٩٦٠ء، ماہ نو کراچی، مئی، ٥٠ ) ٥ - دگنا، دو چند۔  دونی لذت پاتا ہوں میں دہرا لطف اٹھاتا ہوں میں قندِ مکرر سے بڑھ کر ہے مجھ کو ذکر مکرر تیرا      ( ١٩٢٧ء، اعجازِ نوح، ٢ ) ٦ - دوہا۔ "خان صاحب . کبھی کبھی . طالب علموں کے کمروں میں بھی آجاتے اور اپنے اقوال سے مستفید فرماتے اور صوفیانہ دہرے وغیرہ سناتے۔"      ( ١٩٦٠ء، سرسید احمد خان، ١٠ ) ٧ - بعض سروں کی اونچی نیچی ترتیب، ساز سے متعلق۔ (اصطلاحات پیشہ وراں، 155:4) ٩ - پتنگ بازی کا ایک پینچ۔ "پیچ لڑانا، دہرا نکالنا، رخ دینا غرض ہر حرکت بجائے خود ایک غرض شرعی پر مبنی ہے"      ( ١٩٢٤ء، اودھ پنچ، لکھنؤ، ٩، ٥:٤٩ )