دہقان

معنی

١ - دیہات یا گاؤں کا باشندہ، کسان، کاشتکار۔ "باپ بیٹے دونوں کی سلطانی نگاہیں بجائے کشتِ دہقان کے خانہ بدوش کے ڈیرے پر مزکور ہو کررہ گئیں۔"    ( ١٩٨٦ء، جوالا مکھ، ٧٧ ) ٢ - [ مجازا ] ایران کے قریہ و دیہات کے رئیس لوگ۔ "اعلٰی طبقے کے بہت سے ایرانیوں (دہقانوں) نے اسلام قبول کر لیا۔"    ( ١٩٦٧ء، اردو دائرہ معارف اسلامیہ، ٩٤١:٣ ) ٣ - سردار، چودھری، بزرگ، نمبردار، قاضی۔  آج کہ اک روٹی کی خاطر کارڈ دکھاتا پھرتا ہے سارے کمپ کو روٹی دے دے، ایسا ایسا دہقان تھا      ( ١٩٧٨ء، ابن انشا، دل وحشی، ٩٨ ) ٤ - گنوار، اجڈ، جاہل۔ "عورتوں نے جو یہ دیکھا کہ ایک دہقان جوتیاں بغل میں دبائے اندر گھسا آرہا ہے تو غل مچا دیا۔"      ( ١٨٤٧ء، فرحت، مضامین، ٧٠:٣ )