زبانی

معنی

١ - منھ سے کہی ہوئی یا کہی جانے والی (بات)، زبان سے بیان کیا ہوا (تحریری کی ضد)۔ "سب فوائد ہم کو بھی صرف زبانی اظہار اسلام سے حاصل ہو گئے۔"      ( ١٩٣٢ء، القرآن الحکیم، تفسیر شبیر احمد عثمانی، ٥ ) ٢ - ظاہری، اوپری، بناوٹی۔  مرے دل کا خوں کرینگی مرے دل کا خون پانی یہ نوازشیں بظاہر یہ عنایتیں زبانی      ( ١٩٤٧ء، سہا بھوپالی، دیوان (ق)، ١٨ ) ١ - زبان سے، منھ سے۔ "اس قسم کی رائیں اکثر ایمۂ اسلام کی زبانی منقول ہیں۔"    ( ١٩٠٣ء، علم الکلام، ٣٢:١ ) ٢ - تقریری طور پر۔ "تحریری تصویری انشاء میں پہلے تقریری انشاء کا عمل رونما ہوتا ہے یعنی تصویروں اور سوال و جواب کی مدد سے سبق کا پورا امواد طلبہ سے زبانی اخذ کرایا جاتا ہے۔"    ( ١٩٦٢ء، تدریس اردو، ١٨٠ ) ٣ - حافظے سے، بغیر پڑھے۔  قصہ ہمارے سوز کا ہے یاد شمع کو تم کو سنائے گی وہ زبانی تمام رات      ( ١٨٧٣ء، کلیات قدر، ١٦٢ )