ساعت

معنی

١ - وقت، مدت، زمانہ۔ "یہ وہ روح پرور ساعت ہوتی ہے جب جگمگماتے ہوئے چاند کی رو پہلی کرنیں کیرتھر کی پہاڑیوں کو چومتی ہوئی رخصت ہوتی ہیں۔"      ( ١٩٨٤ء، سندھ اور نگاہ قدر شناس، ٦٦ ) ٢ - (کسی کام کے لیے) مناسب یا مبارک وقت۔ "پنڈت جی . پوتھی ترے سے ساعت کا بچارا کرتے تھے۔"      ( ١٩٣٥ء، اودھ پنچ، لکھنو، ٢٠٠، ٩:١٤ ) ٣ - وقت کی کوئی اکائی، گھنٹا، لمحہ یا دقیقہ، مختصر وقفہ، تھوڑی دیر۔  عروج ہستی فانی پہ کیا سرگرم عشرت ہوں فروغ چند ساعت ہے یہاں مثل شرر اپنا      ( ١٩٢١ء، اکبر، کلیات، ٥٥:١ ) ٤ - وقت بنانے والا آلہ، گھڑی یا گھنٹہ۔ "یعنی وہ زمانہ جو چاہے کہ ساعت یعنی کلاک یا گھڑی میں ظاہر ہو۔"      ( ١٨٤٢ء، علم ہیئت اردو (ترجمہ)، ١٦٠ )