سانس

معنی

١ - ہوا جو جاندار کے ناک یا منھ کی راہ سے پھیپھڑے کے اندر جاتی اور باہر آتی ہے۔  ہر سانس کھٹکتا ہی رہا سینے میں پیہم گزرا نہ تری یاد سے خالی کوئی دم بھی      ( ١٩٠٥ء، گفتار بے خود، ٢٣٢ ) ٢ - بھاپ، پھونک، معمولی حرارت۔ "چاول بھی وہ کہ ایک ایک دانہ بلور کا تراشا، دو سانسوں میں دم پہ آیا، ایک ایک دانہ دو دو انگل کا۔"      ( ١٩٥٤ء، اپنی موج میں، ٨٤ ) ٣ - [ مجازا ]  لمحہ، مختصر وقفہ (چھ سانس کے برابر)۔ "ایک سانس میں کچھ اور دوسری . میں کچھ۔"      ( ١٩٠٦ء، الحقوق و الفرائض، ٣٤:١ ) ٤ - شگاف، جہاں سے ہوا کا گزر ہو۔ "حقے کی نے میں سانس پڑ گئی ہے۔"      ( ١٩٢٩ء، نوراللغات، ١٨٩:٣ ) ٥ - روح، آتما۔ "اس بھجن میں ہے کہ روح (سانس) انسان بظاہر غیر شعوری ہے، بلائی جا سکتی ہے۔"      ( ١٩٤٥ء، تاریخ ہندی فلسفہ (ترجمہ)، ٣٧:١ )