سست

معنی

١ - ناتواں، کمزور۔  سست ہیں لیکن نہیں ہے ظاہراً کوئی مرض تیری آنکھوں کی طرح برسوں سے ہیں بیمار ہم      ( ١٨٨٦ء، دیوان سخن، ١٣٠ ) ٢ - بے معنی، بے محل۔ "دقیقی کی یہ نظم دیکھی تو تمام اشعار مجکو سست اور غلط نظر آئے۔"      ( ١٩٠٧ء، شعرالعجم، ٤٨:١ ) ٣ - کام میں لیت و لعل کرنے والا، کاہل، احدی، بے عمل۔ "وہ سمجھا یہ تھا کہ میراں حسین کے سر کو دیکھ کر اس کے ہوا خواہ پست و سست ہو جائیں گے۔"      ( ١٨٩٧ء، تاریخ ہندوستان، ٤٧٥:٥ ) ٤ - اداس، آزردہ، ملول، دلگیر۔  تو ہم کا بیٹھا جو نقش درست لگی ہونے وسواس سے جان سست    ( ١٨١٠ء، میر، کلیات، ٩٧٥ ) ٥ - ماندہ، نڈھال، مضمحل (کسی مرض یا تکان وغیرہ کی بنا پر)۔ "بی بی کیوں مزاج آج کیسا ہے، کچھ سست سی معلوم ہوتی ہو۔"    ( ١٩٠٣ء، بچھڑی ہوئی دلہن، ٦٨ ) ٦ - جس کی حرکت بہت دھیمی ہو، بطی الحرکت۔ "٣٨ء کے بعد اس کا کام سست پڑ گیا۔"      ( ١٩٣٥ء، چند ہم عصر، ٢٩٤ ) ٧ - مندا، معمول سے کم۔ "ریاضی کی ترقی اور تشکیل بہت تدریجی اور سست رہی ہے۔"      ( ١٩٤٥ء، داستان ریاضی، ٢٣ ) ٨ - جس کا ذہن یا عقل وغیرہ کمزور ہو، کم سمجھنے والا۔  او سست خرد چرب زبانی نہیں اچھی جراروں سے یہ تیز زبانی نہیں اچھی      ( ١٨٧٤ء، انیس، مراثی، ٣٥:٥ ) ١٠ - ناملائم، نامناسب، نازیبا( بات وغیرہ)۔ "ان کو سر اجلاس سخت و سست کہا کرتا۔"      ( ١٩٠٦ء، الحقوق و الفرائض، ١٩:١ )