سسکی

معنی

١ - وہ آواز جو تکلیف میں منھ بھینچ کر نکالی جائے، سانس کو روک روک کر رونے کی آواز، ہچکی، سسکاری۔  دلوں کا نوحۂ غم سسکیوں میں ڈھلتا ہے وہ درد ہے کہ کوئی کھل کے رو نہیں سکتا      ( ١٩٨٤ء، لہو پکارتا ہے، ١٩ ) ٢ - جاڑے کے باعث سو سو کی آواز، عورت کا جماع کراتے وقت زیر لب آہ آہ کرنا۔  پیار کرے اور سسکی بھرے پھر سسکی بھر کر پیار کیا جانے کیا اک اک کر کے بھا گئے سب یار      ( ١٩٦٧ء، لاحاصل، ٧٤ ) ٣ - (بانک بنوٹ) بنوٹ کا وار۔ "پوشیدہ نہ رہے کہ جب خالی دیکر داہنے یا بائیں طرف آئے تو کشتی کے پینچ مثل پولیاں یا پٹ لینا، سسکی، باہر لاد، کولا، دھوبی پاٹ اور قلا جنگ وغیرہ ہو سکتے ہیں۔"      ( ١٨٤٦ء، رسالہ بانک بنوٹ، ٤٠ )