شریف

معنی

١ - بڑے رتبے کا، بلند مرتبہ، معزز، گرامی قدر۔ "شریف . مرد بزرگ قدر"      ( ١٩٨٤ء، فن تاریخ گوئی اور اسکی روایت، ١١٧ ) ٢ - اعلی، ارفع، محترم۔ "ان طالب علموں کے لیے جو حکمت الٰہی اور صفت شریف فلسفی کو سیکھنا چاہتے ہیں نصیحت کا کرنا اپنے اوپر فرض جانا ہے"      ( ١٨٩٨ء، سرسید، تہذیب الاخلاق، ٢٨٤:٢ ) ٣ - معتبر، قابلِ اعتبار۔ "یہ الفاظ ہم کو ایک شریف قول معلوم ہوتے ہیں"      ( ١٩٠٥ء، مقالاتِ حالی، ١٠٦:٢ ) ٤ - [ حیاتیات ]  اہم، خاص، مرکزی (عضو وغیرہ) "بدن کا تنصیہ کرلیا جائے تاکہ مادہ پھیپھڑہ قصبۃ الیہ جیسے شریف عضو کی طرف رجوع نہ ہو جائے"      ( ١٩٣٦ء، شرح اسباب، (ترجمہ)، ٢٣٤:٢ ) ٥ - نیک طبعیت، بھلا مانس۔ "بہت سے شریف طالب علم تعلیمی اخراجات کی ترقی کی وجہ سے دوسروں سے مدد چاہنے پر مجبور ہوتے ہیں"      ( ١٩٢٥ء، وقارِ حیات، ٦ ) ٦ - مقدس، قابلِ احترام۔ "مولود شریف کی سینکڑوں کتابیں شائع ہو چکیں اور ہو رہی ہیں"      ( ١٩٣٠ء، آمنہ کا لال، ٢ ) ١ - حضور صلی اللہ علیہ وسلم کی نسل کے کسی بھی فرد کا لقب (پلیٹس)۔  یو شیخ ہے او شریف سیدّ یو چھوٹ رہے ہو او مقید      ( ١٧٠٠ء، من لگن، ١٠٢ ) ٢ - مکہ کے حاکم کا لقب، حاکمِ مکہ، شریفِ مکہّ۔ "آجکل شریف مکہ نے حاجیوں پر سختی شروع کر دی ہے"    ( ١٩٥٦ء، بیگمات شاہان اودھ، ٨٣ ) ٣ - سربراہ، سردار، حاکم، افسر۔ "جوبغاوتیں . رونما ہوئیں وہ تمام تر ایک طاقت اور سلسلے درقا وہ کا کام تھیں جن کی حمایت فاس کے شریف کر رہے تھے"    ( ١٩٦٧ء، اردو دائرہ معارفِ اسلامیہ ) ٤ - مالک، آقا۔  نبیرا تھا اس کا جو نصرِ قتیب شریف اس مکاں کا تھا وہ خوش نصیب    ( ١٨١٠ء، شمشیر خالی، ٥٦٥ )