صادر

معنی

١ - نکلنے والا، باہر آنے والا، (کسی جگہ سے) خارج ہونے والا۔ "وہ ہوا جس سے ثانوی روشنی صادر ہوتی ہے وہ صبح کی روشنی کے وقت ظاہر ہوتی ہے۔"      ( ١٩٦٩ء، مقالات ابن الہیشم، ٦٥ ) ٢ - وقوع پذیر، ظاہر، واقع، سرزد۔ "دماغ جب حکم صادر کر دیتا ہے تو کچھ ہی دیر بعد یہ حرکت کرنے لگتے ہیں۔"      ( ١٩٨٤ء، اساسی حیوانات، ١٨٤ ) ٣ - جاری نافذ (قانون حکم وغیرہ)۔ "کسی ایسی چیز کے بارے میں جس کے اثرات اتنے متضاد قسم کے ہوں قطعی فیصلوں کا صادر کرنا سخت نادانی کی بات ہے۔"      ( ١٩٤٤ء، آدمی اور مشین، ١٦١ ) ١ - [ معاشیات ]  وہ کاغذ جس کے ذریعہ خزانہ سے رقم اٹھائی جائے برآور و تنخواہ وغیرہ۔ (فرہنگِ عثمانیہ، 267)۔ ٢ - [ معاشیات ]  دفاتر کے معمولی و غیر معمولی ضروریات کے لیے جن اشیا کی ضرورت ہوتی ہے۔ اس کو صادر کہتے ہیں اس کی تین قسمیں ہیں صادر معمولی، ابوابِ مشترکہ، ابوابِ مختصہ۔ (ارکانِ اربعہ، 1:3)۔ ٣ - [ زراعت ]  اتفاقی مصارف، خرچ۔ "صادر مرمت موٹ و آلات کشاورزی وغیرہ۔"      ( ١٩٠٧ء، فلاحتہ النخل، ٢٤٧ )