صراحی
معنی
١ - پانی، شراب یا رقیق شے کے رکھنے کا برتن جو لمبی گردن اور چھوٹے منہ کا اوسط درجے کا چھوٹے قد کا ہوتا ہے (عموماً مٹی اور گا ہے دھات یا شیشے کا ہوتا ہے)۔ "یہ بوتلیں، یہ ابلتی ہوئی شراب، یہ جام، یہ صراحی ایک ایک بوند کا حساب ہو گا۔" ( ١٩٦٨ء، غالب، نذیر محمد خان، ١٦٤ ) ٢ - صراحی کی شکل کا کپڑے کا ٹکڑا جو انگرکھے وغیرہ کی دونوں بغلوں کے نیچے سی دیتے ہیں۔ (ماخوذ: فرہنگِ آصفیہ)۔ ٣ - [ خراطی ] کھرادی پائے کا درمیانی گاؤ دم حصہ، مچھلی۔ (اصطلاحاتِ پیشہ وراں، 174:1)
اشتقاق
عربی زبان میں ثلاثی مجرد کے باب سے مشتق اسم ہے۔ عربی سے من و عن اردو میں داخل ہوا اور بطور اسم استعمال ہوتا ہے۔ اردو میں سب سے پہلے ١٥٦٤ء کو "دیوان حسن شوقی" میں تحریراً مستعمل ملتا ہے۔
مثالیں
١ - پانی، شراب یا رقیق شے کے رکھنے کا برتن جو لمبی گردن اور چھوٹے منہ کا اوسط درجے کا چھوٹے قد کا ہوتا ہے (عموماً مٹی اور گا ہے دھات یا شیشے کا ہوتا ہے)۔ "یہ بوتلیں، یہ ابلتی ہوئی شراب، یہ جام، یہ صراحی ایک ایک بوند کا حساب ہو گا۔" ( ١٩٦٨ء، غالب، نذیر محمد خان، ١٦٤ )