طرف

معنی

١ - کنارہ، گوشہ، حصہ۔ "دو راستے ہوتے ہیں اور صحن کی دونوں طرفوں میں آگے کو نکلے ہوئے . ہوتے ہیں۔"    ( ١٩٦٧ء، اردو دائرہ معارف اسلامیہ، ٣٥٦:٣ ) ٢ - یکسوئی، علیحدگی۔  اودھر وہ غیر کی حشمت ادھر یہ جی ہے فقط جو چاہو ان سے سو کر لو اک اختیارِ طرف    ( ١٧٩٥ء، قائم، دیوان، ٧٧ ) ٣ - جانب، سمت، رخ۔  خیمہ گاہِ تشنگاں میں پیاس کی لہروں کے ساتھ تیر دریا کی طرف سے رات بھر آئے بہت    ( ١٩٧٩ء، دریا آخر دریا ہے، ٧٨ ) ٤ - پاس، نزدیک؛ (مجازاً) خدمت میں۔ "بیٹا اوس پیر ازل کا ابن زیاد ملعون کی طرف گیا۔"    ( ١٧٣٢ء، کربل کتھا، ١١٢ ) ٥ - لیے، واسطے۔ "اے ایمان والوں جب کھڑے ہو تم طرف نماز کے پس دھو لو اپنے منہ کو۔"    ( ١٨٠٦ء، نورالہدایہ، ٤٠ ) ٦ - علاقے میں، اطراف جوانب میں۔ "ہماری طرف یہ حسن عنقا ہے۔"      ( ١٩٣٦ء، اودھ پنچ، لکھنو، ٢١، ٥:٦ ) ٧ - لحاظ، پاسداری، جانب داری، جاو بے جا طرفداری۔  ہے حق بہ طرف اوس کے چاہے سو ستم کرلے اوس نے دل عشق کو مجبور وفا جانا      ( ١٨٩٨ء، دیوان، مجروح، ٤٩ ) ٨ - [ نجوم ]  چاند کی اٹھائیس منزلوں میں ایک منزل کا نام جس میں پیشانی پر دوستارے نظر آتے ہیں جو عین الاسد کے نام سے موسوم ہیں۔ "چاند کی اٹھائیس منزلیں ہیں: ذراع، نثرہ، طرف . ۔"      ( ١٩٤٢ء، الف لیلہ ولیلہ، ٥٤٤:٣ ) ١ - مقابل، مدِ مقابل، برابر، حریف۔  رندان درِ میکدہ گستاخ ہیں زاہد زنہاز نہ ہونا طرف ان بے ادبوں سے      ( ١٨٦٩ء، غالب، دیوان، ٢٠١ )