طریق

معنی

١ - راہ، راستہ، سڑک۔  نہ کوئی میر کاروانِ طریق نہ کوئی آشنا نہ کوئی رفیق      ( ١٨٧٣ء، کلیات قدر، ٩٥ ) ٢ - طریقہ، روش، طرز، ڈھنگ۔ "یوسف نے امین سے پوچھا کہ نماز یہاں پر ہمیشہ اسی طریق سے ہوتی ہے۔"      ( ١٩٧٦ء، مکاتیبِ یوسف عزیز مگسی (مقدمہ)، ٥ ) ٣ - رواج، دستور۔ "ہمارے طریق میں حریف پر پیش دستی نہیں کرتے۔"      ( ١٨٩٣ء، کوچکِ باختر، ٤١٢ ) ٤ - مذہب، شریعت۔ "یہ کلمات یہود، نصاریٰ اور مجوس کے طریق کے خلاف اور اسے چھوڑتے ہوئے اختیار کیے گئے۔"      ( ١٩٦٧ء، اردو دائرہ معارف اسلامیہ، ٧:٣ ) ٥ - انداز، اطوار، طور۔  ہے ہے وہ نیچی نیچی نگاہوں سے بات چیت وہ ٹالنا طریق سے میرے سوال کا      ( ١٨٨٢ء، صابر دہلوی، ریاض صابر، ٤٥ ) ٦ - ترکیب، قاعدہ۔ "لیکن اصل پوچھو تو جو ذائقہ ان کے طریق سے پکے ہوئے گوشت میں ہوتا ہے ہندوستانی طریقہ سے پکے ہوئے میں ہرگز نہیں ہوتا۔"      ( ١٨٨٨ء، رسالہ غذا، ٧٧ ) ٧ - [ حدیث ]  روایت کے الفاظ اور راوی۔ "اوس کی مذمت حدیث نبوی میں کئی طریق کی روایتوں سے وارد . ہے۔"      ( ١٨٧٣ء، مطلع العجائب (ترجمہ)، ١٤ ) ٨ - صوفیوں کا مسلک، راو تصوف۔  چراغ دودہ چشتی و قادریہ طریق فقیہ اکمل و شب زندہ دار پیرِ ہدیٰ      ( ١٨٨٦ء، دیوان سخن، ٢٠ ) ٩ - [ تصوف ]  وہ مراسم مشروعہ الٰہی ہیں جن میں رخصت نہیں۔ (مصباح التعرف، 166) ١٠ - [ ریاضی ]  کنارا، حد؛ اصلی مرکز۔ "یہ آس پاس کے ان تمام نقطوں کا طریق (Locus) ہوتا ہے جن کی ہیئت (Phase) یکساں ہو۔"      ( ١٩٦٧ء، آواز (علی ناصر زیدی)، ١٠٢ )