عجب

معنی

١ - انوکھا، نرالا، خوب، عمدہ۔  چھپنے کا عجب ڈھنگ نکالا اس نے کیا کام کیا ہے بالا بالا اس نے      ( ١٩٥٥ء، رباعیاتِ امجد، ١٨:٣ ) ٢ - عجیب، افسوس ناک؛ بُرا۔  عجب اعتبار و بےاعتباری کے درمیان ہے زندگی میں قریب ہوں کسی اور کے مجھے جانتا کوئی اور ہے      ( ١٩٨٠ء، یہ چراغ ہے تو جلا رہے، ١٢٧ ) ٣ - دگرگوں، متغیر۔ "دیکھتے ہی اُن کا عجب حال ہو گیا۔"      ( ١٩٢٩ء، نوراللغات، ٤٩٠:٣ ) ٤ - دور، بعید۔ "اس بادشاہ کا آگرے سے بھی زیادہ اور عجب نہیں کہ فتح پور سکیری ہی کے برابر پسندیدہ مقام الہ آباد تھا۔"      ( ١٩٣٢ء، اسلامی فن تعمیر ہندوستان میں (ترجمہ)، ١٤٥ ) ١ - تعجب، حیرت۔  ہنس کے بولے پھر عجب کی کونسی یہ بات ہے قدرت حق سے فلک کا گنبد بے در بنا    ( ١٨٨٦ء، دیوان سخن، ٦١ ) ٢ - خاص بات جس میں حیرت نیز تعریف کا پہلو ہو، کیا تعجب ہے۔  کھولی گرہ جو غنچہ کی تُو نے تو کیا عجب یہ دل کھلے جو تج سے تو ہو اے صبا عجب    ( ١٧٩٨ء، میر سوز، دیوان، ١٠ ) ٣ - عجوبہ، حیرت انگیز۔ "بستی نظام الدین کے مانوس رستے میرے لیے عجب اور اجنبی بن جاتے ہیں۔"      ( ١٩٨٤ء، زمیں اور فلک اور، ٣٥ )