غالب

معنی

١ - قوی، زبردست، زور آور۔ "اللہ غالب اور حکمت والا ہے۔"      ( ١٩٠٦ء، الحقوق و الفرائض، ١١:١ ) ٢ - غلبہ پانے والا، فاتح، زیر کرنے والا۔ "کچھ دیر تک معلوم نہ ہوتا تھا کہ کون مغلوب ہوگا اور کون غالب، مگر آخر کو بادشاہی لشکر کو فتح ہوئی۔"      ( ١٨٩٧ء، تاریخ ہندوستان، ٥، ٣٠٨:١ ) ٣ - بالادست، فائق، مسلّط، چھاپا ہوا۔ "سائنس اور فلسفے کی کتابیں وہ لوگ لکھتے ہیں جن کے ہیاں عقلی، منطقی اور معروضی طریقہ غالب ہوتا ہے۔"      ( ١٩٨٧ء، فلسفہ کیا ہے، ٣٢١ ) ٤ - اکثر، پیشتر، زیادہ تر۔ "جس میں ہمارے معاشرے کا غالب حصہ شریک ہے۔"      ( ١٩٨٢ء، برش قلم، ١٠ ) ٥ - زیادہ، بہت زیادہ۔ "انتہائے جنوب میں سو میری تھیے جو وہاں غالب تعداد میں بستے تھے۔"      ( ١٩٨٦ء، دنیا کا قدیم ترین ادب، ) ٦ - شائد، قوی گمان ہے۔  پیکان ترا جگر کے اگر متصل نہ ہو غالب کے بعد مرگ بھی تسکین دل نہ ہو      ( ١٨٢٤ء، دیوانِ مصحفی، انتخاب رامپور، ١٨٣ ) ٨ - اردو اور فارسی کے مشہور شاعر مرزا اسد اللہ خاڈ عرف مرزا نوشہ کا تخلص جو 8 رجب المرجب 1212 ھجری بمطابق 31 دسمبر 1797ء کو آگرے میں پیدا ہوئے اور 2 ذی قعد 1285 ھجری بمطابق 15 فروری 1869ء کو دہلی میں وفات پائی۔  ہیں اور بھی دنیا میں سخنور بہت اچھے کہتے ہیں کہ غالب کا ہے اندازِ بیاں اور      ( ١٨٦٩ء، دیوان غالب، ١٧٠ )