فاروقی
معنی
١ - حضرت عمر فاروق رضی اللہ تعالیٰ عنہ کی صفات۔ اے شیخ بہت اچھی مکتب کی فضا لیکن بنتی ہے بیاباں میں فاروقی و سلمانی ( ١٩٣٦ء، ضرب کلیم، ١٨٢ ) ١ - حضرت عمر فاروق رضی اللہ تعالیٰ عنہ سے منسوب یا متعلق، حضرت عمر رضی اللہ تعالیٰ عنہ کا۔ عہد فاروقی سے . خاتمۂ خلافت تک . ایک منّظم ادارے کی حیثیت رہی۔ ( ١٩٦٧ء، اردو دائرہ معارف اسلامیہ، ٢٧٤:٣ ) ٢ - حضرت عمر فاروق رضی اللہ تعالیٰ عنہ کی اولاد۔ (ماخوذ : فرہنگ آصفیہ)
اشتقاق
عربی زبان سے مشتق کلمہ 'فاروق' کے آخر پر، یائے نسبتی لگانے سے بنا جو اپنے اصل معنوں کے ساتھ اردو میں بطور صفت و اسم استعمال ہوتا ہے۔ تحریراً سب سے پہلے ١٨٣٨ء کو "بستانِ حکمت" میں مستعمل ملتا ہے۔