فکر

معنی

١ - اندیشہ، تَردُّد، دغدغہ، الجھن۔ "اب میں اس فکر میں پڑ گئی کہ وہ اصل سبب کیا ہے۔"      ( ١٩٣٤ء، سرگزشتِ عروس، ١٢ ) ٢ - دھیان، خیال۔ "وہ اسکے خون میں شامل ہوکر اسکے شعور کی بصیرت، اس کی فکر اور اسکے احساس میں رچ بس جاتا ہے۔"      ( ١٩٩١ء، قومی زبان، کراچی، فروری، ٥٩ ) ٣ - پروا  کیوں زیاں کاربنوں سود فراموش رہوں فکرِ مردانہ کروں محوِ غمِ دوش رہوں      ( ١٩١١ء، بانگِ درا، ١٧٧ ) ٤ - غور و حوض، سوچ بچار، تفکّر۔ "یہ بات عام طور پر تسلیم کی جاتی ہے کہ غورو فکر کا مرکز ہمارا دماغ ہے۔"      ( ١٩٦٩ء، نفسیات اور ہماری زندگی، ٣٤٦ ) ٥ - رنج، غم، اندوہ، پریشانی۔  ضعف کی شدت سے پائے ناتواں اٹھتے نہیں فکرِ منزل ہے تو اے واماندگی رہبر کو توڑ      ( ١٩٤٧ء، نوائے دل، ٩٧ ) ٦ - [ تصوف ]  اللہ کے ماسوا سب کو چھوڑ کر محض اللہ سے لو لگانا، مراقبہ، استغراق۔ "عبادت آپکے ساتھ ذکر کرکے تھی یا ساتھ فکر کے تھی۔"      ( ١٨٧٣ء، مطلع العجائب (ترجمہ) ٢٦ ) ٧ - رائے، خیال، عندیہ۔ "بعض صاحب رائے لوگوں کی یہ فکر ہے کہ بحر مڈیٹرینین کے پانی کو اس صحرائے کبیر کے پست مقامات میں لایا جائے۔"      ( ١٩١١ء، مقدّمات الطبیعات، ٢٣١ ) ٨ - ٹوہ، تاک، گھات۔ "تم اسے دربار شہنشاہ میں لیجاؤ ہم دونوں اور عیاروں کی فکر میں جاویں گے۔"      ( ١٨٨٤ء،، طلسم ہوشربا، ٢١١:١ )