لتاڑ

معنی

١ - لاتیں ماری جانے کا کام؛ مراد: لعنت ملامت، سرزنش۔  میں سوچتا ہوں کہاں نعرہ سیاسی میں جو تازیانہ ہمّت تری لتاڑ میں ہے      ( ١٩٥٩ء، گلِ نغمہ، فراق، ٢٦٩ ) ٢ - تکلیف، دکھ، مصیبت۔ "رہا سہا دم موجودہ تہذیب کی لتاڑ سے نکل جائے گا۔"      ( ١٩٣٦ء، مضامین فلک پیما، ٢٠٧ ) ٣ - فضیحتی، رُسوائی۔ "مقصود ان معلومات پر عمل کرنا نہیں ہوتا بلکہ دوسروں پر اپنی قابلیت کا سکہ جمانا ہوتا ہے یا پھر دوسروں کی لتاڑ کرنا۔"      ( ١٩٥٤ء، اکبرنامہ، عبدالماجد، ١٢٦ ) ٤ - کام کی مارا مار، لے دے، زیادتی، بھاگ دوڑ، دوڑ و دھوپ۔ "ہر وقت کی فضیحتی، اور رات دن کی لتاڑ بھلی چنگی ماما کا جی اچاٹ کر دیتی ہے۔"      ( ١٩١٠ء، لڑکیوں کی انشاء، ٤٦ ) ٥ - رو ندن، پامالی۔  کریں رقم ہم اگر حال پائمالئی دل رہے ہمیشہ قلم کی لتاڑ میں کاغذ      ( ١٨٤٥ء، کلیات ظفر، ٩٠:١ ) ٦ - کٹار، چھوٹی شمشیر۔ (اصطلاحات پیشہ وراں، 203:8)