لحاظ

معنی

١ - (کوئی بات یا امر) نگاہ میں رکھنے کا عمل، خیال، دھیان، توجہ۔ "ذاتی طور پر مجھے آپ کے خیال سے اتفاق ہے مگر یہ باتیں بھی قابل لحاظ ہیں۔"      ( ١٩٠٦ء، تاریخ نثر اردو، ٦٠٢:١ ) ٢ - پاسداری، رعایت، مروت، پاس ادب، حفظ مراتب۔ "مزمل اب بھی جلوت و خلوت میں ان سے لحاظ برتتا تھا۔"      ( ١٩٨١ء، چلتا مسافر، ١٥٩ ) ٣ - شرم، حیا، غیرت، حمیت۔  آئینے سے ان کو شرم آنے لگی وہ انوکھے ہیں انوکھا ہے لحاظ      ( ١٩٣٦ء، شعاع مہر، ناراپن پرشاد ورما، ٥٨ ) ٤ - (کسی سے) پردہ، حجاب، شرم۔ "لحاظ . کے معنی شرم اور جھجھک کے ہیں اور ان معنوں میں یہ خالص اردو کا لفظ ہے۔"    ( ١٩٨٨ء، اردو، کراچی، جولائی تا ستمبر، ٧٤ ) ٥ - جھجھک (دل کی بات کہنے میں)، رکاوٹ، تکلف وغیرہ (کسی کام کے کرنے میں)۔  لحاظ ہو تو کنول کب دلوں کے کھلتے ہیں بس اس طرح سے ملو جیسے دوست ملتے ہیں    ( ١٩١٧ء، رشید (پیارے صاحب)، گلزار رشید، ٧٦ ) ٦ - حیثیت، اعتبار (اکثر سے کے ساتھ)۔ "ایک لحاظ سے دیکھا جائے تو عشق ایک دیوانہ پن ہی تو ہے۔"      ( ١٩٨٨ء، غالب آشفتہ نوا، ٤٨ ) ٧ - نگاہ کرنا، دیکھنا، توجہ، غور و فکر۔ "اس شعر کی بلاغت پر لحاظ کرو۔"      ( ١٩٠٧ء، شعرالعجم، ٩٩:٢ )